"Azərbaycanın təşəbbüskarlığı Fransa müsəlmanları üçün mühümdür".
Bu sözləri Fransanın “LaGazette” nəşrinin baş icraçı direktoru, siyasi analitik Jan Mişel Brun, Ednews – a Azərbaycanın İslamofobiyaya qarşı mübariəzini dəyərləndirərkən söyləyib.
"Fransada və ümumilikdə Avropada islamafobiya və müsəlmanlara qarşı ayrı-seçkilik ilə bağlı ciddi problem var. Hesab edirəm ki, bu kimi tədbirlər ayrı-seçkiliyə qarşı mübarizədə mühüm əhəmiyyət kəsb edir. Fransa da təəssüf ki, dünyanın ən irqçi və islamofob ölkələrindən birinə çevrilib. Fransada müsəlmanlar gündəlik təzyiqlərlə üzləşirlər və hökumət, məktəbləri, dərnəkləri bağlayıb, hətta məktəblərdə qızlar və oğlanlar üçün müəyyən geyim növlərini qadağan edib. Fransada müsəlman olmaq çox çətindir və 10 milyon müsəlman əhalisi olan ölkədə müsəlmanların islamofobiyaya qarşı mübarizə aparması çox vacibdir. Azərbaycanın təşəbbüskarlığı Fransa müsəlmanları üçün mühümdür, çünki indi onları dəstəkləyən bir dünya lideri var. Bununla belə, konfranslar kifayət deyil. İslamofobiya ilə mübarizə aparmaq üçün Azərbaycan kimi ölkələrin fəaliyyətinə və köməyinə ehtiyacımız var".
Fransız ekspert hesab edir ki, bu cür tədbirlər yalnız hökümət səviyyəsində deyil, həmçinin beynəlxalq təşkilatlar səviyyəsində də keçirilməlidir.
"Tədbirlər hökumət səviyyəsində aparılmalı və Birləşmiş Millətlər Təşkilatı kimi beynəlxalq təşkilatlarda da dinlənilməlidir. Azərbaycan kimi ölkələr kitablar nəşr etməklə, dəstək verməklə və islamofobiya ilə bağlı məlumatlılığı artırmaqla kömək edə bilər. Fransa müsəlmanları təkbaşına döyüşür və güclü hökumətlə müqayisədə zəifdirlər".
Əkbər Novruz