“Min gənc Fələstin Uğrunda” qrupunun Türkiyə üzərindən İsrailə neft tədarük etdiyi iddia edilən Azərbaycan dövlət SOCAR enerji şirkətinin İstanbuldakı binası qarşısında etiraz aksiyası keçirməsi böyük təxribatın ilk addımıdır" 

Bu sözləri Ednews-a özəl açıqlamasında türkiyəli politoloq Selin Senocak deyib. 

Senocak bildirir ki, bütün bunlar indiyə qədər Türkiyədə Fələstinə dəstək nümayişlərindən uzaq qalan marjinal, aqressiv hərəkətlər kimi diqqəti çəkir:

"İştirakçılara bir-bir nəzər saldıqda məlum olur ki, onları təşkil edən struktur əslində Fələstinə dəstək verməkdənsə, İraq və Suriyada Türkiyəni hədəf alan terror təşkilatlarına dəstək verən təxribatçılardır. Onların Fələstin və Qəzzanı vecinə almadığı, burada məqsədin Türkiyə-Azərbaycan dostluğunu, Ərdoğan-Əliyev qardaşlığını hədəfə almaq olduğu aydın görünür. Bizim vəzifəmiz həm Türkiyə, həm də Azərbaycan üçün ürək ağrıdan Qəzzada törədilən soyqırımın təxribat alətinə çevrilməsinin qarşısını almaq, Fələstin adına nəsə edirmiş kimi görünən, əslində isə tamamilə başqalarına xidmət edən bu fəaliyyətlərə qarşı diqqətli olmaq, müxtəlif məqsədlər və hər kəsi bunlara qarşı xəbərdar etmək olmalıdır”.
Senocak vurğulayır ki, indiyədək Türkiyə Respublikasına ən böyük xarici sərmayə yatırmış şirkət kimi SOCAR Heydər Əliyevin “İki dövlət, bir millət” kəlamının ən böyük iqtisadi və strateji dəstəkçisidir:

"İki qardaş ölkənin birliyinin ən mühüm simvollarından biri olan SOCAR Türkiyənin strateji maraqlarına töhfə verən meqa investisiyalar və sosial layihələr həyata keçirib.  Hər iki ölkə üçün böyük dəyər verən SOCAR-a qarşı atılan bu böhtanlar Türkiyə-Azərbaycan münasibətlərini pozmaq məqsədi daşıyır", Senocak deyib. SOCAR uzun illər FETÖ-nün hədəfində olan və onu ələ keçirməyə çalışmış strateji bir şirkətdir.  

Bu səbəbdən,  Qarabağ zəfərini qazandıran təxribat xarakterli hərəkətləri, iki ölkənin Zəngəzur dəhlizi layihəsi ilə regionun iqtisadi inkişafında uğurlu fəaliyyəti, strateji tərəfdaşlığı və müdafiə sənayesindəki uğurları ilə bu münasibətlərə zərbə vurmaq istəyirlər.

Azərbaycan və Türkiyə kəşfiyyat orqanlarının bu təxribat xarakterli hərəkətləri planlaşdıran, təşkil edən və həyata keçirən qruplara, həmçinin FETÖ və onun yeni tərəfdaşları olan Süleymançılara qarşı birgə iş çərçivəsində ciddi əməliyyat keçirməsinə ehtiyac var.  Azərbaycan və Türkiyənin regionda strateji gücə çevrilməsi bu terror təşkilatlarının Orta Asiyada təşkilatlanmasına ən böyük maneə yaradır".

Xəyal Ramiz