“İslam aləmində İƏT-ə üzv dövlətlərin media işçilərini birləşdirən cəmiyyətin və ya birliyin yaradılması çox zəruri və mühüm bir işdir”. Bu sözləri "Eurasia Diary”yə olan müsahibəsində əl-Cəzirə qəzetinin baş redaktoru Xalid əl-Malik deyib. O həmçinin redaksiyamızın suallarını da cavablandırıb.
Eurasia Diary: Bu konfrans barədə fikirlərinizi bölüşə bilərsinizmi?
Xalid əl-Malik: Səudiyyə Ərəbistanında nəşr olunan gündəlik qəzetin baş redaktoru olaraq həm yerli və həm də dünya mediasına, xüsusilə İslam dünyasının KİV-lərinə böyük maraq göstəririk. Media sahəsində 50 illik iş təcrübəmdən çıxış edərək deməliyəm ki, İslam aləmində İƏT-ə üzv dövlətlərin media işçilərini birləşdirən cəmiyyətin və ya birliyin yaradılması çox zəruri və mühüm bir işdir. Xüsusilə bu mürəkkəb və həssas zamanda... İslam aləmi terror ittihamları, ona qarşı yönələn qeyri- sivil mövqe ilə üzləşdiyi dövrdə bu məsələ çox aktualdır. Biz yaxşı bilirik ki, terrorun nə dini, nə də dövləti vardır, terror hər an hər yerdə baş verə bilər.
Eurasia Diary: Bu təşkilat yaradılandan sonra həqiqətlərin dünyaya çatdırılması asanlaşa bilərmi?
Xalid əl-Malik: Əlbəttə, bu cəmiyyətin yaradılmasının əsasında xoş niyyət, işlərin düzgün planlaşdırılması dursa, hamı əməkdaşlığa hazır olmasını göstərsə, fikrimcə, bu cəmiyyət İslam dövlətlərinə xidmət naminə çox işlər görə bilər. Bununla bu günki fəaliyyətimizlə müqayisədə xüsusilə seçilən bir media təsisatının əsası qoyula bilər. Bu təşəbbüs uğurla həyata keçirilməli və həm də İƏT, müsəlman hökümətləri və təşkilatları tərəfindən dəstək almalıdır.
Eurasia Diary, Fatimə Səlimli