Yer kürəsinin orbitində hər il gedən sürüşmələr nəticəsində ulduzların mövqeyini dəyişdiyi bildirilir.
"Eurasia Diary" xəbər verir ki, ABŞ-ın Milli Aeronavtika və Kosmos İdarəsi (NASA) Yer kürəsinin orbitində hər il baş verən sürüşmələr nəticəsində ulduzların mövqeyinin dəyişdiyini açıqlayıb. NASA bu vəziyyətin bürclərin tarixlərinin də dəyişməsinə səbəb olduğunu bildirib.
Açıqlamada indiki göy üzünün antik zamanlardakından çox fərqli olduğu, Günəşin 12 bürcü təşkil edən ulduzların üzərində yerləşdiyi zamanının da buna görə dəyişdiyi bildirilir. NASA-nın internet saytında qeyd edilib ki, bürclər ilk dəfə olaraq Babillər tərəfindən istifadə edilməyə başlandığında 23 iyun-22 avqust arasında anadan olanların Şir bürcü olduğu qeyd edilirdi. Lakin bu tarixlərin artıq Xərçəng bürcünə aid olduğu irəli sürülür. Bunun səbəbi isə Yür kürəsinin orbitinin keçdiyi Şimal Qütbünün eyni istiqamətdə olmaması və nəticədə 3 min ildən sonra göy üzünün əvvəlkindən fərqli olmasıdır. Digər tərəfdən, astrologiyada 12 deyil, 13 bürcün olduğu qənaəti də getdikcə güclənir. NASA da qədim Babil mənbələrində 13-cü bürc olan Ophiuchus, yəni İlan bürcünə yer verildiyinə toxunur. Lakin Babillərə məlum olmayan səbəblərdən Günəşin 30 noyabr — 17 dekabr tarixində üzərində olduğu bürcün İlan olduğu məlum olur.
Yeni bürc təqvimi aşağıdakı kimidir:
Oğlaq: 20 yanvar — 16 fevral
Dolça: 16 fevral-11 mart
Balıq: 11 Mart — 18 Aprel
Qoç: 18 aprel — 13 may
Buğa: 13 may-21 iyun
Əkizlər: 21 iyun-20 iyul
Xərçəng: 20 iyul-10 avqust
Şir: 10 avqust-16 sentyabr
Qız: 16 sentyabr-30 oktyabr
Tərəzi: 30 oktyabr-23 noyabr
Əqrəb: 23 noyabr-29 noyabr
İlan: 29 noyabr-17 dekabr
Oxatan: 17 dekabr-20 yanvar
