Bu gün Bakıda öz işinə başlayan İslam Əməkdaşlıq Təşkilatının Gənclər və İdman Nazirlərinin 4-cü Konfransında iştirak edən nümayəndə heyətlərinin yekdil qərarı ilə Prezident İlham Əliyevə təbrik göndərilib.

 

56 üzv ölkəni öz sıralarında birləşdirən İƏT Nazirlər Konfransı adından İlham Əliyevi 11 apreldə yenidən dövlət başçısı seçilməsi münasibətilə təbrik ediblər.

 

İlham Əliyevin 11 aprel seçkilərində əminliklə qazandığı qələbə Azərbaycan xalqının ölkə başçısınının apardığı siyasi kursa verdiyi dəstəyin bariz əlaməti kimi qiymətləndirilib.

 

Təbrikdə eyni zamanda İƏT arealında gənclər siyasətinin qurulması və inkişaf etdirilməsində Prezident İlham Əliyevin xüsusi rolu qeyd olunub.

 

Qeyd edək ki, Prezident İlham Əliyev Bakıda 40-a yaxın İƏT ölkəsinin iştirakı ilə keçirilən İslam Əməkdaşlıq Təşkilatının Gənclər və İdman Nazirləri 4-cü Konfransının açılış mərasiminin iştirakçılarına müraciət ünvanlayıb.

 

Ölkə başçısı müraciətində İƏT-lə münasibətlərin Azərbaycan üçün xarici siyasətin əsas sahələrindən biri olduğunu, Azərbaycanın İƏT-in bir çox yüksək səviyyəli tədbirlərinə ev sahibliyi etdiyini, Azərbaycanın İƏT-də bir sıra yeni əhəmiyyətli təşəbbüslərlə çıxış etdiyi bildirib. Müraciətdə 2004-cü ildə Azərbaycanın təşəbbüsü ilə yaradılmış İƏT Gənclər Forumunun İƏT-də ilk beynəlxalq qurum olduğu vurğulanıb, İƏT arealında gənclər siyasətinin formalaşması və İslam həmrəyliyinin gücləndirilməsinə verdiyi töhfələr yüksək qiymətləndirilib, xüsusi əhəmiyyət daşıdığı qeyd olunub.Eyni zamanda müraciətdə Azərbaycanın 2017-ci ildə 4-cü İslam Həmrəylik Oyunlarını ən yüksək standartlara uyğun keçirməsi, ölkəmizin İƏT arealında idman siyasətinə və idman vasitəsilə islam həmrəyliyinə verdiyi önəm kimi qeyd olunub.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan