Paşinyan Qarabağ haqda kitabı Putinə niyə verdi? - Qapı ağzında“pusquya durub” və... - VİDEO | Eurasia Diary - ednews.net

16 Noyabr, Şənbə


Paşinyan Qarabağ haqda kitabı Putinə niyə verdi? - Qapı ağzında“pusquya durub” və... - VİDEO

Siyasət A- A A+

Ötən gün Aşqabadda keçirilən MDB sammiti zamanı daha bir kazus yaşanıb. Ermənistanın baş naziri Nikol Paşinyan onu müşaiyət edən nümayəndə heyətinin üzvləri ilə qapının ağzında“pusquya durub” və Rusiya prezidenti Vladimir Putinin zaldan çıxmasını gözləyib. Putin zaldan çıxanda Paşinyan ona yaxınlaşıb və Minsk Qrupunun keçmiş rusiyalı həmsədri, özünün açıq-aşkar ermənipərəst mövqeyi ilə tanınan Vladimir Kazimirovun “Qarabağa sülh” adlı kitabını ona verib.

Image result for Nikol Pashinyan

Eurasia Diary virtualaz.org-a istinadla xəbər verir ki, bu hərəkət sosial şəbəkələrin erməni seqmentində birmənalı qarşılanmayıb. İstifadəçilər Paşinyanın növbəti dəfə protokol qaydalarını pozduğunu, onun rusiyalı həmsədrin Qarabağ haqda kitabını Putinə verməsinin anlamsız olduğunu qeyd ediblər.

Xatırladaq ki, Paşinyan Putinin bu günlərdə Yerevana səfəri zamanı da protokol və nəzakət qaydalarını pozmuşdu.

Nikol Paşinyan sosial şəbəkələrdə gedən müzakirələrlə bağlı özünün Facebook səhifəsində Putinə kiyə kitab verdiyini izah etməyə çalışıb.

“Bu məsələ müzakirə predmeti olduğu üçün izah edirəm: Rusiya prezidenti Vladimir Putinə ATƏT-in Minsk Qrupunun Rusiyadan olan keçmiş həmsədri Vladimir Kazimirovun “Qarabağa sülh” kitabını hədiyyə etdim. Kitab “erməniyönümlü” deyil. Sadəcə olaraq Kazimirov 1992-1996-cı illərdə Qarabağ məsələsi ilə məşğul olub, atəşkəs haqda razılaşmanın imzalanması üçün böyük səy göstərib. Və öz kitabında, şahid kimi, Qarabağ münaqişəsinin təəsüf ki, yaddan çıxarılan bir sıra vacib nüanslarını xatırladır. Və nəhayət kitabın özünün möhtəşəm adı var-“Qarabağa sülh””,-Paşinyan bildirib. 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...