Minlərlə azərbaycanlı təmas xəttinə yürüş etdi: - "Qarabağ Azərbaycanındır!" | Eurasia Diary - ednews.net

12 Noyabr, Çərşənbə axşamı


Minlərlə azərbaycanlı təmas xəttinə yürüş etdi: - "Qarabağ Azərbaycanındır!"

Siyasət A- A A+
Ötən gün Tərtər rayonunda minlərlə azərbaycanlı dinc sakin “Qarabağ Azərbaycandır” şüarı ilə təmas xəttinə doğru yürüş edib.
 
Yürüş barədə video sosial şəbəkələrdə yayılıb.
 
Oradan isə kadrlara erməni KİV-ləri yer veriblər.
 
Dağlıq Qarabağdakı separatçı rejimi “kadrların köhnə ola biləcəyini” bildirib.
 
Lakin kadrlardan aydın olur ki, yürüş ötən gün oktyabrın 16-da baş tutub. “Bu gün oktyabrın 16-da Tərtər rayonunda bütün tələbələr və rayon əhalisi Qarabağa yürüş keçirdi. Qarabağın azad olunmasına görə hamımız səfərbər olunduq. Qarabağın azadlığı yolunda hər kəs canından keçməyə hazırdır. Əhali bir ucdan gəlir, Tərtər rayonunda əhali qalmayıb, hamısı buradadır…”,- yürüşü mobil telefonla videokameraya çəkən yerli sakin kadr arxasından bildirir.
 
Xatırladaq ki, bu günlərdə Azərbaycan prezidenti İlham Əliyev Soçidə, “Valday” klubunun yığıncağında çıxışı zamanı Ermənistanın baş naziri Nikol Paşinyanın Xankəndində səsləndirdiyi “Qarabağ Ermənistandır, nöqtə” bəyanatına cavab verib. “Qarabağ Azərbaycandır, nida işarəsi!”,-İlham Əliyev bildirib.(Virtualaz.org)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...