Sumqayıtın 65 yaşlı icra başçısı İSTEFAYA GÖNDƏRİLİR? - EKSKLÜZİV AÇIQLAMA | Eurasia Diary - ednews.net

16 Dekabr, Bazar ertəsi


Sumqayıtın 65 yaşlı icra başçısı İSTEFAYA GÖNDƏRİLİR? - EKSKLÜZİV AÇIQLAMA

Siyasət A- A A+

Uzun illər Abşeron rayonunun icra hakimiyyətinin, 2015-ci ildən isə Sumqayıt şəhər İcra Hakimiyyətinin başçısı işləyən 65 yaşlı Zakir Fərəcov da təqaüdə göndərilir. Bizimxeber.az-a daxil olan məlumata görə, Z.Fərəcov postunu gənc kadra verməyə hazır olduğunu deyib və yaxın günlərdə vəzifədən uzaqlaşdırılması ilə bağlı veriləcək əmri gözləyir.

Məlumatda qeyd olunur ki, Zakir Fərəcov hələ bir neçə ay əvvəl vəzifədən getmək üçün müraciət etsə də, qəbul edilməyib.

Abşeron rayon icra başçısı İradə Gülməmmədovanın da bu məmurun kadrı olması barədə müəyyən bilgilər var. Məlumatda əlavə olunur ki, İradə Gülməmmədova Zakir Fərəcovun yerinə təyinat alacaq.

Eurasia Diary bu məlumatı araşdırıb.

Sumqayıt Şəhər İcra Hakimiyyətinin Mətbuat Xidmətindən Eurasia Diary-ə verilən açıqlamalaya görə, bu məlumatlar şayiələrə əsaslanır və heç bir doğruluq payı yoxdur:

"Cənab başçının təqaüd vaxtı deyil. Belə məlumatları Sumqayıtın çiçəklənməsini gözü götürməyən adamlar yayır. Belə şayiələrə inanmayın".

Bu məlumatla kifayətlənməyib adını çəkmək istəmədiyimiz rəsmi mənbələrə müraciət etdik. Sözügedən mənbələrdən verilən informasiyalara görə, Zakir Fərəcovun təqaüdə göndərilməsi məsələsi müzakirə edilir.

Qeyd edək ki, Sumqayıt şəhər əhalisinin böyük bir qismi icra başçısının fəaliyyətini yüksək qiymətləndirir.

Nicat İsmayılov

Fəqan Muxtarlı

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...