Ermənilər bəzi yüksək rütbəli zabitlərimizlə dostluq edir - Hərbi ekspertdən XƏBƏRDARLIQ | Eurasia Diary - ednews.net

23 Sentyabr, Çərşənbə


Ermənilər bəzi yüksək rütbəli zabitlərimizlə dostluq edir - Hərbi ekspertdən XƏBƏRDARLIQ

Siyasət A- A A+

“Hərbçi dostlar, diqqətli olun. Bu adamın dostları sırasında bir neçə ehtiyatda olan yüksək rütbəli hərbçini də gördüm. Bu profil ehtimal ki, Rusiyada yaşayan hansısa erməniyə məxsusdur. Profilin yeni olması bu şəxsin ortaya yeni və yeni məqsədlərlə çıxdığını deməyə əsas verir”.

Eurasia Diary xəbər verir ki, bu sözləri hərbi ekspert Rəşad Süleymanov özünün Feysbuk səhifəsində yazıb.

Image result for hərbi ekspert Rəşad Süleymanov"

Rəşad Süleymanov bildirib ki, sözü gedən şəxs özünü Andrey Bondarenko kimi təqdim edir: “Andrey Bondarenko imzasıyla keçən həftə APN.RU saytında bir yazı yayımlanıb. Araşdırma apardım, belə bir ad-soyadlı jurnalist və ya analitikin başqa bir yazısına rast gəlmədim. Bu da insanın feyk olduğu qənaətimi artırır. Adam ağlına gələni qatıb bir-birinə. Sərsəmləmələrini araşdırma adıyla “sırıyıb”. İndi də sosial şəbəkədə tənqidi fikirlər bildirən, hökumətdən inciyən, bu kimi şəxslərə, xüsusilə ehtiyatda olan hərbçilərə dostluq göndərir, səhifəsində paylaşdığı bu qaralamaya diqqət yönəltməyə, onların vasitəsi ilə bunu sosial şəbəkədəki azərbaycanlılar arasında ictimailəşdirməyə çalışır. Diqqətli olun, adam bizim dilimizi də yaxşı bilir”.

 

Ekspert hesab edir ki, ermənilər hərbi informasiya cəbhəsində yenidən aktivləşiblər: “Hələ 3-4 ay əvvəl yazmışdım, demişdim. İndi o dediklərimizi görürük. Ermənilər artıq hərbi informasiya cəbhəsində yenidən aktivləşiblər. Bu dəfə dövlətinə, millətinə bağlı, sözü və əməli bir olan komandirlər hədəfə alınır. Özü də xarici media üzərindən”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...