BMT-nin Azərbaycandakı rezident əlaqələndiricisi Qulam İsakzai Azərbaycanda "Könüllülər ili"nə həsr olunmuş məqalə yazıb.
EDNews.net məqaləni təqdim edir.
“Azərbaycanda Könüllülər İli” günümüzdəki qlobal səhiyyə böhranı və İkinci Dünya Müharibəsindən bəri qarşılaşdığımız ən böyük problem olaraq meydana gələn COVID-19 pandemiyası dövrünə təsadüf etdi.
Birləşmiş Millətlər Təşkilatı "COVID-19"a çevik və effektiv reaksiya verməkdə kömək etmək üçün dünyanın bütün ölkələri ilə birgə çalışır.
Azərbaycanda da BMT sistemi hökumət digər tərəfdaşlarla, səhiyyə sahəsində risklər barədə məlumat verilməsi, təhsil və həssas təbəqələrdən olan insanların sosial rifahına texniki dəstək verməklə COVID-19 pandemiyası ilə bağlı vacib problemləri həll etməklə yanaşı həyati əhəmiyyətli tibbi və digər ləvazimatların alınmasına kömək etmək üçün sıx əməkdaşlıq edir.
Belə şəraitdə, BMT Könüllüləri yerlərdə və onlayn şəkildə bütün dünyada BMT sisteminə kömək edirlər.
Fürsətdən istifadə edərək, belə bir böhranlı zamanda könüllülüyün vacib rolunu qeyd etmək istəyirəm. Bu gün könüllülər COVID-19 böhranı ilə mübarizənin ön sıralarında gedirlər. Həkimlər, təcili tibbi xidmət orqanlarının işçilərilə birlikdə bu böhranda əsas rol oynayan nəzərəçarpmayan qəhrəmanlardan biri də onlardır.
Beləliklə, paytaxt Bakıda və Azərbaycanın bölgələrində yorulmadan çalışan könüllülər cəsarət və davamlılıq nümayiş etdirir, sosial əlaqələr yaradır həssas qruplara dəstək olurlar.
Azərbaycandakı BMT sistemi də "COVID-19"la mübarizədə könüllülərlə əməkdaşlıq edir.
BMT QAK-ın Azərbaycandakı nümayəndəliyi 232 sığınacaq axtaran və qaçqın ailəsinə qida yardımı göstərmək üçün Azərbaycan Dövlət Miqrasiya Xidmətinin könüllüləri ilə əməkdaşlıq etmişdir.
UNİCEF, Avropa Birliyi və USAID-in maliyyə dəstəyi ilə ASAN, Gənclər Fondu, Qızıl Aypara Cəmiyyəti və Regional İnkişaf İctimai Birliyinin könüllüləri ilə onlayn və oflayn maarifləndirmə işlərinin aparılması, yanlış məlumatlara qarşı mübarizə və həssas təbəqədən olan ailələrə dəstək işində sıx əməkdaşlıq edir. Daha dəqiq desək, müəssisələrdə yaşayan 213 uşaqdan çox ailəyə, əlil gənclərə qida yardımı verilib. 55 könüllü təxminən 517 ailəyə qida paketləri və çap materialları paylayıb və yardım bu müddətdə 800 ailəni əhatə edəcək.
Könüllülərin başqa bir BMT agentliyi ilə birlikdə işləməsi üçün də yeni imkan yaranıb. Azərbaycandakı Qida və Kənd Təsərrüfatı Təşkilatı (FAO) Qax, Zaqatala və Balakən rayonlarında ehtiyacların qiymətləndirilməsi və gender bərabərliyi kampaniyalarının aparılması və qadın fermer və sahibkarları FAO-nun ölkənin şimal-qərb bölgəsində həyata keçirdiyi davamlılıq və inklüziv aqro-ərzaq sistemləri layihəsinə cəlb etmək üçün könüllülərə çağırış edib. Bu bölgədəki könüllülük imkanına maraq göstərənləri 15 May tarixinə qədər müraciət etməyə çağırıram.
