Tək millət iki dövlət olan Azərbaycanla Türkiyənin birliyi əbədidir! - VİDEO - FOTOLAR | Eurasia Diary - ednews.net

25 Noyabr, Çərşənbə


Tək millət iki dövlət olan Azərbaycanla Türkiyənin birliyi əbədidir! - VİDEO - FOTOLAR

Siyasət A- A A+

Qırğızıstanın paytaxtı Bişkek şəhərində "Bir millət iki dövlət olan Azərbaycanla Türkiyənin birliyi əbədidir” mövzusunda dəyirmi masa keçirilib.

Eurasia Diary-nin xəbərinə görə, Qırğızıstandakı azərbaycanlıların “AZƏRİ” İctimai Birliyinin, buradakı AHISKA Türkləri cəmiyyətinin və media TÜRKEL-in təşkilatçılığı ilə baş tutan tədbirdə müxtəlif millətlərdən ibarət Qırğızıstan Xalqları Məclisinə daxil olan bir sıra cəmiyyət təmsilçiləri və Azərbaycan icmasi nümayəndələri iştirak ediblər.

“AZƏRİ” İctimai Birliyinin sədri Əzizağa Əliyev tədbiri giriş sözü ilə açaraq işğal altında olan yaşayış məntəqələrimizin Azərbaycan ordusu tərəfindən keçirdiyi təmizləmə əməliyyatını alqışladıqlarını və Qırğızıstandakı toplumumuzla birlikdə silahlı qüvvələrimizin yanında olduğumuzu bildiririk dedi.

Natiq, Eyni zamanda Ali Baş Komandan, Azərbaycan Prezidenti İlham Əliyevin uğurlu, düşünülmüş siyasəti sayəsində tezliklə torpaqlarımızın düşmən tapdağından azad olunacağına inandıqlarını sözlərinə əlavə etdi.

Əzizağa Əliyev bu uğurların qazanılmasında şəxsən Türkiyə prezidenti Rəcəb Tayyib Ərdoğan başda olmaqla qardaş türk xalqının mənəvi dəstəyinin böyük olduğunu dilə gətirdi.

Dahi şəxsiyyətlərimiz əbəs yerə deməyib ki, “Biz tək millət iki dövlətik!”

Ahiskalı Türklər cəmiyyətinin sədri Atamşa Dursunov da çıxışında dövlət başçıları Tayyib Ərdoğan və İlham Əliyevin atdıqları birgə addımın Qırğızıstanda məskunlaşan azərbaycanlı və ahıska türkləri tərəfindən əməldə həyata keçirilir, dedi.

Dursunov, bütün milli bayramları, tədbirləri, mərasimləri birgə təşkil etdiklərini və düzənlədiklərini bildirdi.  

Digər çıxış edən soydaşlarımız başqa bir ölkənin vətəndaşı olmalarına baxmayaraq, Ana Vətən üçün Ali Baş komandanın hər cür əmrinə hazır olduqlarını bildirməkdən şərəf duyduqlarını dedilər.
Yaşlı nəslin nümayəndələri, “Biz keçən əsrin 1929-1937-ci illərində Azərbaycandan Orta Asiyaya sürgün olunan ata-babalarımızın indiki nəslinin nümayəndələri olaraq daim tarixi vətənimiz Azərbaycanda gedən dəyişiklikləri, ictimai-siyasi prosesləri, mədəni-quruculuq işlərini diqqətlə izləmiş, uğurlarına sevinmişik” ifadələrini dilə gətirdilər.

Media TÜRKEL prezidenti Hökümə Xəlilova1990-cı illərdən başlayaraq, terrorçu Ermənistanın havadarlarının dəstəyi ilə Azərbaycanın şəhər və kəndlərinə Xocalı faciəsi kimi əsil soyqırımı törətdiklərindən, indiyə qədər də BMT qətnamələrinin yerinə yetirilməsinə məhəl qoymayan işğalçı ölkənin cəzasız qaldığından danışdı. 30 ildir düşmən tapdağı altında inləyən torpaqların terrorçu ermənilərdən təmizlənmə əməliyyatını uğurla həyata keçirən şanlı Azərbaycan Ordusunun Baş Komandan İlham Əliyevin başçılığı ilə zəfərlə başa çatdırılacağlnı qeyd edərək, “dəyirmi masa” iştirakçıları adından hər zaman Azərbaycanın yanında olan Türkiyənin dövlət başçısına minnətdarlığını ifadə etdi.

Qırğız ictimai xadim Anarbek Usupbayev çıxışında Ermənistanın Azərbaycanın şəhər və kəndlərini, dinc əhalisini raket və top atəşinə tutmasını vandalizmin bir nişanəsi hesab edərək, "Dağlıq Qarabağ Azərbaycanın ayrılmaz tərkib hissəsidir və Azərbaycan ordusunun öz torpaqlarını işğaldan azad etməsi Azərbaycan xalqının haqq işidir" dedi.

“Dəyirmi masa” iştirakçıları birmənalı şəkildə, Ermənistan tərəfindən işğal olunmuş Azərbaycan ərazilərinin azad edilməsinin regionun inkişafına təkan verəcəyini vurğuladılar.

Tədbirin sonunda yekdil səslə Türkiyə və Azərbaycan prezidentləri Rəcəb Tayyib Ərdoğanla İlham Əliyevə müraciət qəbul edildi.

1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...