İlham Əliyev: - “Şuşaya çəkilən yol tarixi, Qələbəyə aparan yoldur” - VİDEO | Eurasia Diary - ednews.net

4 Mart, Cümə axşamı


İlham Əliyev: - “Şuşaya çəkilən yol tarixi, Qələbəyə aparan yoldur” - VİDEO

Siyasət A- A A+

“Burdan Şuşaya yol açılır. Ona görə qəsəbənin bir hissəsi sökülür. Şuşaya yol bu qəsəbənin içi ilə keçir və bir tərəfi sökülür ki, Şuşa şəhərinə geniş yol açılsın. Şuşa şəhərinə yol geniş olmalıdır. Yol da buradan keçdiyi üçün buralar - sağ, sol sökülür”.

Eurasia Diary-nin məlumatına görə, bunu Azərbaycan Prezidenti İlham Əliyev Şuşaya səfəri zamanı deyib.

Prezident qeyd edib ki, bu yol heç vaxt olmayıb: “Qəhrəman hərbçilərimiz bu ərazidən keçib. Biz isə cəmi 2 ay ərzində bax, bu yolu açmışıq. Sonra əlbəttə ki, bu yol genişləndiriləcək, asfalt döşənəcək və Azərbaycan vətəndaşları Şuşaya rahat gedəcəklər.

Baxın, gün də çıxdı, günəş də bizi salamlayır. Yolumuzu işıqlandırır. Biz gedirik Şuşaya. Azad edilmiş Şuşaya. Yol tikintisi də aparılır. Əminəm ki, bu, gözəl bir yol olacaq. Ölkəmizin ən gözəl yollarından olacaq. Təbii ki, ən yüksək keyfiyyətlə tikiləcək. Eyni zamanda mənzərəli yoldur, tarixi yoldur, Qələbəyə aparan yoldur. Səma da açıqdır. Günəş yolumuzu işıqlandırır”.

Qeyd edək ki, Birinci xanım Mehriban Əliyeva Şuşa şəhərinə səfərdən paylaşımlar edib.

APA

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...