Türkiyə müdafiə naziri Birgə Mərkəzin fəaliyyətindən danışdı | Eurasia Diary - ednews.net

19 Aprel, Bazar ertəsi


Türkiyə müdafiə naziri Birgə Mərkəzin fəaliyyətindən danışdı

Siyasət A- A A+

Dağlıq Qarabağda atəşkəsə nəzarət üzrə Türkiyə-Rusiya Birgə Mərkəzi fəaliyyətini uğurla davam etdirir.

Eurasia Diary-nin xəbərinə görə, bu barədə Türkiyənin milli müdafiə naziri Hulusi Akar deyib.

Hulusi Akar "S-400"lərlə bağlı məsələyə də toxunub.

O bildirib ki, Türkiyənin son 10 ildə “Patriot” almağa imkanı olduğu halda, S-400-ə üstünlük verməsinə dair iddialar əsassızdır.

Nazirin sözlərinə görə, ABŞ və Fransadan hava hücumundan müdafiə sistemləri almaq istəsələr də, bu mümkün olmayıb: “10 il boyunca ABŞ-a verdiyimiz müxtəlif təkliflərə, müraciətlərə hələ də cavab almamışıq. NATO müttəfiqi bəzi ölkələrdə rus istehsalı havadan müdafiə sistemi necə istifadə olunursa, biz də S-400-ü eyni şəkildə istifadə edə bilərik”.

H. Akar qeyd edib ki, bu məsələ NATO-nun da olacağı ortaq işçi qrupu ilə birgə əməkdaşlıq nəticəsində həll edilə bilər: “Biz görüşməyə hazırıq. S-400-ə görə F-35 də daxil olmaqla, bir sıra sanksiyaların tətbiqi müttəfiqlik ruhuna uyğun deyil. Yaddan çıxarmaq olmaz ki, Türkiyə NATO-nun da, ABŞ-ın da ən güclü müttəfiqdir”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...