“Azərbaycanı daha böyük provokasiyalar, KTMT ilə üzbəüz qoymağa çalışırlar” fikirləri ilə Ermənistanın PUA dezinformasiyasını şərh edən politoloq Qabil Hüseynli bildirdi ki, İrəvandan Moskvaya verilən məlumatlarda iddia olunur ki, sərhəd boyunca irimqyaslı döyüşlər gedir.

EDNews.net xəbər verir ki, Bizim.Media ilə dialoq zamanı Qabil Hüseynli ermənilərin yalana söykənən məruzələrindən bəhs edib.
 

Guya Azərbaycan tərəfi pilotsuz uçuş aparatlarından da istifadə edir:

“Halbuki, döyüş gedən sahələrdə PUA-ların tətbiq edilməsinə heç bir ehtiyac yoxdur. Orada lokal xarakterli qarşıdurmalar gedir, atışmalar olub və ermənilərin demək olar ki, bütün atəş nöqtələri sudurulub. Yəni, dağlıq ərazilərdə PUA-ın istifadəsi ciddi çətinliklərlə qarşılaşır. Üstəlik, gedən əməliyyatlar PUA-ların tətbiqinə heç bir ehtiyac yaratmır, atışmalar yüngül atıcı avtomatlar vasitəsilə baş verir. Ermənilər bir neçə dəfə qumbaraatandan istifadə ediblər və bunun da cavabını alıblar. 

Ermənilər Fransa, Rusiya, dünya ictimai rəyinə, KTMT rəhbərliyinin rəyinə belə bir şeyi aşılamaq istəyirlər ki, guya Azərbaycan Ermənistan ərazilərinə hücum çəkir və Ermənistan ordusu hücumları dəf edir. Guya Azərbaycan  ordusu bütün döyüş vasitələrindən istifadə edir və Ermənistan da müdafiə olunur. Baş verənlərin o qədər saxtakar bir mənzərəsini cızırlar ki, o qədər şişirdilmiş mənzərə yaradırlar ki, adam məəttəl qalır.

Əslində baş verənlər lokal xarakter daşıyır və qısa müddətdə də atəşkəsin təmin edilməsi həyata keçirilir. Ermənilər isə yeni-yeni provokasiyalar üzərində düşünürlər.

Belə saxtakar yolla, bu cür böhtançı mövqe ilə ictimai rəydə Azərbaycanın imicinə xələl gətirmək baş tutmayacaq”.