Berlin hər zaman Ermənistan-Azərbaycan münaqişəsindən danışdıqda qarşıdurmanın həllinin hüquqi əsasını qeyd edib və BMT-nin dörd qətnaməsini yada salıb. Lakin 44 günlük müharibə dövründə Almaniyanın ayrı-ayrı siyasi şəxslərinin ritorikası Ermənistanın tərəfində idi. Sözün düzü, hesab edirəm ki, bu davranışı kifayət qədər ikiüzlü hesab etmək olar.
EDNews.net xəbər verir ki, bu fikirləri almaniyalı politoloq, tarixçi Mattias Volf bölüşüb.
O, Almaniya ilə Azərbaycan arasında ikitərəfli münasibətlərin əvvəlcə “kifayət qədər ziddiyyətli” göründüyünü bildirib:
“Xüsusilə Qarabağ müharibəsi zamanı. Bir tərəfdən Almaniya hökuməti Azərbaycanla tərəfdaşlıqdan danışırdı, digər tərəfdən bəzi siyasi spikerlər Ermənistanın dəstəklənməsi barədə bəyanatlar verirdilər. Bu, onu göstərir ki, bu ölkədə islamofobiya hədsiz dərəcədə inkişaf edib. Problem – alman ekspertlərinin Qarabağ münaqişənin tarixini bilməməsindədir.
Əslində Ermənistan radikal bir dövlətdir - heç kimi qəbul etmir. Onlar özlərini ən qədim xristian millət hesab edirlər. Şovinizmin güclü inkişaf etdiyi bir ölkədir. İrəvan monodövlət ideası ilə siyasətini formalaşdırır.
İrəvandan fərqli olaraq, Azərbaycanda həm xristianlar, həm yəhudilər, həm də müsəlmanlar vəhdət təşkil edir. Azərbaycanda islam siyasi istiqamət deyil, din kimi qəbul edilir.
Ermənistanda isə hər şey əksinədir: xristianlıq ermənilərin hər yerdə istifadə etdikləri siyasi silahdır.
Müharibə dövründə ermənilər bu taktika ilə Almaniyanı da aldada bilmişdilər”.