Füzulidə nəqliyyat qovşağının yaradılması Cənubi Qafqazın reinteqrasiyasına xidmət edəcək - Metyu Brayza - ednews.net

2 Dekabr, Cümə axşamı

Füzulidə nəqliyyat qovşağının yaradılması Cənubi Qafqazın reinteqrasiyasına xidmət edəcək - Metyu Brayza

Siyasət A- A A+

"Türkiyə Prezidenti Rəcəb Tayyib Ərdoğanın Azərbaycana səfəri və Füzuli Beynəlxalq Hava Limanının açılışında iştirakı çox vacib əhəmiyyət kəsb edir. Bu, Azərbaycanın ərazi bütövlüyünün bərpa edildiyini və ölkənin Cənubi Qafqazın reinteqrasiyasına kömək etmək üçün Füzulidə nəqliyyatı qovşağı qurmağa hazır olduğunu göstərir".

EDNews.net xəbər verir ki, bunu “Report”a ABŞ-ın Atlantik Şurasının böyük elmi işçisi, beynəlxalq ekspert Metyu Brayza bildirib.

“Səfər Azərbaycanın 44 günlük müharibədəki parlaq qələbəsini qabardır və “İki dövlət, bir millət” şüarına malik Azərbaycan və Türkiyənin bir-birinə nə dərəcədə yaxın olduğunu nümayiş etdirir. Ötənilki qələbə Azərbaycan tarixinin ən böyük hərbi və diplomatik qələbəsidir. Türkiyə Azərbaycanı dəstəkləməkdə davam edəcəyini açıq şəkildə nümayiş etdirdi”, - o vurğulayıb.

M.Brayza deyib ki, Füzuli Beynəlxalq Hava Limanının açılması Azərbaycanın azad edilmiş ərazilərinə investisiya cəlb edilməsinə kömək olacaq.

Xatırladaq ki, bu il oktyabrın 26-da Füzuli Beynəlxalq Hava Limanının açılışı baş tutub. Açılış mərasimində Azərbaycan Prezidenti İlham Əliyev və Türkiyə Prezidenti Rəcəb Tayyiv Ərdoğan iştirak ediblər.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...