“Erməni cəmiyyətinin reaksiyası beşinci dərəcəlidir” - Politoloqdan Paşinyanın açıqlamasına REAKSİYA - ednews.net

27 May, Cümə

(+994 50) 229-39-11

“Erməni cəmiyyətinin reaksiyası beşinci dərəcəlidir” - Politoloqdan Paşinyanın açıqlamasına REAKSİYA

Siyasət A- A A+

“Regionda çıxılmaz problemlərin həll edilməsi üçün Ermənistan və Azərbaycan arasında mütləq şəkildə sülh müqaviləsi imzalanmalıdır”.

Bu sözləri EDNews-a tanınmış politoloq İlqar Vəlizadə bildirib.

Siyasi şərhçi qeyd edib ki, regionda mövcud olan yeni reallıqlar Ermənistan rəhbərliyini qonşular ilə normal münasibətlər qurmağa məcbur edir.

“İlk olaraq qeyd edim ki, bir neçə gün bundan əvvəl Azərbaycan Prezidenti İlham Əliyev və Ermənistanın Baş naziri Nikol Paşinyan Rusiya Prezidenti Vladimir Putin ilə telefon danışığı aparıb. Çox güman ki, tərəflər aralarında regionda hazırki siyasi prosesləri müzakirə ediblər. Gündəmdə olan önəmli məsələlər Ermənistan və Azərbaycan arasında sərhədin delimitasiya və demarkasiya olmasına, o cümlədən regionda nəqliyyat və iqtisadi kommunikasiyaların açılmasına istiqamətlənibdir. Rusiya, Azərbaycan və Ermənistan rəhbərliyi yaxşı anlayır ki, Ermənistan və Azərbaycan arasında sülh müqaviləsi imzalanmadan bu məsələləri həll etmək və nizamlamaq qeyri-mümkündür. Bütün bu məsələlər yalnız beynəlxalq hüququn prinsipləri və normaları çərçivəsində həllini tapa bilər”.

İ.Vəlizadə erməni ictimaiyyətinin reaksiyasının Azərbaycanla sülh müqaviləsinin imzalanmasına heç bir təsiri olmayacağını da vurğulayıb.

“Erməni cəmiyyətinin reaksiyası beşinci dərəcəli məsələdir. Ermənistan rəhbərliyi öz vətəndaşlarını yeni reallıqları qəbul etməyə hazırlamalıdır. Erməni cəmiyyəti başa düşməlidir ki, onların dövləti mütləq beynəlxalq hüququn normalarına əməl etməlidir. Artıq Ermənistanın qonşuları - Azərbaycan və Türkiyə ilə normal münasibətlər qurmağın vaxtı çatıb”.

Qeyd edək ki, Ermənistanın Baş naziri Nikol Paşinyan Azərbaycan ilə sülh müqaviləsinin imzalanmağın vacibliyindən danışıb. O bildirib ki, Ermənistan Azərbaycan ilə sülh danışıqlarına qatılmağa hazırdır.

Yunis Abdullayev

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...