Bu yaxınlarda İran Prezidenti İbrahim Rəisi Azərbaycan Müdafiə naziri Zakir Həsənovla görüşündə qeyd edib ki, İsrail heç bir müsəlman dövlətinin dostu ola bilməz. O, həmçinin İsraili İŞİD-ə və teror təşkilatlarına dəstək verməkdə günahlandırıb. Rəisinin bu sözləri isə İsrail ictimaiyyəti tərəfində etirazla qarşılanıb.
İsrailli tanınmış jurnalisti Rakhel Avraham bildirib ki, ümumiyyətlə, İranın şiə qardaşlığından danışması gülüncdür.
Media nümayəndəsi bu fikirləri EDNews-a açıqlaması zamanı səsləndirib.
O, İran başçısının fikirlərini absurd adlandıraraq İsraili İranı İŞİD-ə dəstək verməkdə günahlandırıb.
“İranda vaxtilə kütləvi edamlarda öz adını yazan Prezident İbrahim Rəisi İsraili və Amerikanı İŞİD-i dəstəkləməkdə günahlandırır. Halbuki, regionda İŞİD kimi terror təşkilatının ayaqda durmasında İran əsas rol oynayır. İranın hegemoniyası radikal islamçılığın yüksəlişinə və İŞİD kimi terror təşkilatlarının meydana çıxmasına səbəb olub”.
Rakhel Avraham Rəisinin İsrail-Azərbaycan əlaqələri ilə bağlı iddialarını absurd hesab edib;
“Dostluq heç vaxt dinə əsaslanmayıb. İsrail Azərbaycan ordusunun güclənməsinə öz yardımını edib. Hətta, İkinci Qarabağ müharibəsindən sonra İsrail həkimləri Azərbaycan əsgərlərinə tibbi yardım göstərib. Gəlin, İranın Azərbaycan üçün nə etdiyinə baxaq? Son otuz ildə İran Ermənistanın işğalı altında olmuş Qarabağda Azərbaycan xalqına məxsus mədəni və dini abidələrin dağıdılmasında iştirak edib. İşğal dövründə İran Qarabağda məscidləri saxlatalaşdıraraq, fars məscidinə çevirib. Bu hələ yetməyib onlar Ermənistana dəstək verib. Yüz minlərlə azərbaycanlının hüquqlarının pozulmasına göz yumuq”.
İsrailli jurnalist İranda etnik azərbaycanlıların hüquqlarının pozulduğunu və bir dənə də olsa Azərbaycan dilində məktəbin olmadığını da deyib. O, İranda həm Şah Pəhləvinin hakimiyyəti dövründə (1946-cı ildə), həm də İran İslam Respublikası qurulduqdan sonra azərbaycan dilini insanlara unutdurmaq üçün bütün azərbaycan dilində olan kitabların yandırılması haqqında da danışıb.
“İranda islam rejimi etnik azərbaycanlılara qarşı repressiyalar həyata keçirir. İranda azərbaycanlılar öz ana dilində danışmaq və təhsil almaq hüququndan məhrum olublar. Bu qəbul edilməzdir. Rejimin Qarabağdakı hərəkətləri və Ermənistana münasibəti göstərir ki, özünü islam dövləti sayan İran heç də Azərbaycana dost ölkə deyil. Öz şiə qardaşının düşmənlərinə sevgi münasibəti göstərən dövlət şiə qardaşlığından danışması gülüncdür”.
Yunis Abdullayev