Bu gün Rusiyada Ukraynadakı vəziyyətin gərginləşməsindən və onun üzərində çalacağı qələbədən daha çox 9 may bayramına hazırlığı danışılır. 

 

Rusiyanı tiran və işğalcı dövlət olduğunu bəyan edən ABŞ Rusiyanın sanki ona Qərbi bir ələ toplamasına yardım etməsini unudur.  Ukraynada başlayan müharibə Rusiyadan daha çox ABŞ-ın xeyrinədir, lakin nədənsə bu nüans diqqətə alınmır. Həmçinin Ukraynanı dünyanı yeni qaydalarla idarə etmək istəyən iki heqemon ölkənin güc nümayişi poloqonuna çevirdikləri barədə hamı susur. Lakin buna baxmayaraq Rusiya öz işğalcı siyasətini davam etdirdikcə, ABŞ buna daha cox zəmin yaradır və Ukraynanı yalan vədlərlə daha da böyük ucuruma aparır. 

 

Ukraynanın şərqində şiddətli döyüşlər gözlənilir, rus ordusunun canlı itkiləri 20 mini keçsə də, Donbasın tam işğalı prosesini dayandırmır. Rusiya qoşunları  Mariupolu da tam ələ keçirə bilmir. Şəhər müdafiəçilərinin müqaviməti bütün əməliyyat bölgələrində rus ordusuna problem yaradır. Bu məlumatı Britaniya mətbuatı böyük həvəslə yazır. “Rusiya komandanlığı Mariupolun alınmasının nə qədər vaxt aparacağından narahatdır. 

 

Şəhərin müdafiəsində Ukraynanın yaxşı əlaqələndirilmiş müqaviməti Rusiya qüvvələrini ciddi sınaqdan keçirdi, ordu və texnikanı yayındırdı, Rusiyanın başqa yerlərdə irəliləyişini ləngitdi”. Rusiya Silahlı Qüvvələrinin indiyədək Ukraynada itirdiyi canlı qüvvə 20 600-ə çatıb. Bu gedişlə müharibənin taleyini nəyin dəyişəcəyi böyük sual altındadır.  

 

Bəs, Rusiyanın bu müharibədə əsas hədəfi nədir? - Ukraynanı tam işğal etmək, yoxsa bir neçə şəhəri götürüb, savaşı bitirmək? 

 

“Rus ordusu Donbasda möhkəmlənir. Bu qədər sanksiyalara baxmayaraq, ”Z" qoşunları dayanmır və Ukraynanın şərqini tamamilə işğal etməyə hazırlaşır.

 

Rusiya siyasi-hərb rəhbərliyi şimal - qərb ərazilərin tutulmasının mümkün olmadığını bildiyi üçün gücünü şərq zonasında cəmləyib.  Yəgin ki, Rus ordusunun yenidən qərb istiqamətinə hücuma keçməsi alınmayacaq. Rusiya Ukraynanı bölməyi planlaşdırır, çox güman ki, bir müddətdən sonra o  rus əhalisinin çox olduğu Luqansk və Donetskdə “denasifikasiya işlərinin uğurla” başa çatdığını elan edəcək. 

 

Hazırda Putinin Ukraynanı tamamilə işğal etmək gücü yoxdur və bu səbəblə müharibə çox uzana bilər. Ona görə də, Rusiya vəziyyətin Qərbdən gələn yardımların, toqquşmaların uzanmasına hesablandığını bildiyi üçün Ukraynanın şərqini zəbt etməklə kifayətlənəcək.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary