Son zamanlar Ermənistan silahlı qüvvələrinin bölmələri Azərbaycan Ordusunun mövqelərini atıcı silahlardan istifadə etməklə fasilələrlə atəşə tutaraq öz təxribatçı əməllərini davam etdirirlər.

 

Bəzi politoloqların fikrincə, Ermənistanın bu təxribatlarının arxasında revanşist Qarabağ klanı durur. Hətta bu silahlı qüvvələri birbaşa Robert Koçaryan və Serj Sarkisyan tərəfindən təlimatlanırlar. 

 

Həqiqətdə isə bu qüvvələrin arxasında dayanan səbəblər hansılardır?

 

Məsələ ilə bağlı politoloq Fikrət Sadıqov Ednews-a bildirib ki, təxribatların arxasında revanşist qüvvələr dayanır:

 

“Ermənistan ordusunun təxribatları göstərir ki, rəsmi İrəvan xalqın rəğbətini qazanmaq və daxili auditoriyaya oynamaq üçün bu cür təxribatlara əl atırlar. Ölkə rəhbərliyi müxalifətə mesaj ötürür ki, onlar xalqın maraqlarını müdafiə edən qüvvədirlər. Ermənistanın silahlı qüvvələrində revanşist dairələrin nümayəndələri də az deyil. Revanşist qüvvələr belə təxribatlar törədərək Şuşanın işğal gününü 8 mayı yadımıza salmaq istəyirlər. Bununla potensiallarının hələ də qaldığını nümayiş etdirirlər. Bu hallarının arxasında həm Qarabağ klanının, həm “Daşnak” partiyasının, həm də qatı milliyyətçilərin əli var. Təxribatlar yalnız Azərbaycanın əleyhinə deyil. Onların bu addımları atmağına səbəblərdən biri də Paşinyandır. Onu hakimiyyətdən salmaq istəyirlər. Əsas məqsəd də keçmiş hakimiyyəti bərpa etməkdir”.

 

Hərbi ekspert Ədalət Verdiyevin fikrincə isə tezliklə Ermənistana ciddi şəkildə cavab verilməlidir:

 

“Ermənistan silahlı qüvvələrində Qarabağ klanına aid qüvvələr çoxdur. Elə orada təşkil edilən mitinqləri də onlar təşkil ediblər. Onlar Paşinyana qarşı hakimiyyət iddiası edirlər. Atəşkəsin pozulmasında da onlara işləyən generalların əli olduğu istisna edilmir. Mövqelərimizin atəşə tutan ermənilərə zərbələr endirib məhv etməliyik. Sonra da oraya bayrağımızı sancmalıyıq. Bundan sonra yəqin ki, Ermənistanın ağlı başına gələcək”.

 

Xanlar Əlibəy

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary