Qarabağı itirən ermənilərin qorxusu - “Qərbi Zəngəzuru itirəcəyik…” - ednews.net

5 İyul, Çərşənbə axşamı

(+994 50) 229-39-11

Qarabağı itirən ermənilərin qorxusu - “Qərbi Zəngəzuru itirəcəyik…”

Siyasət A- A A+
Ermənistanda son zamanlar kütləvi nümayişlər təşkil edən radikal və revanşist müxalif liderləri Azərbaycana qarşı təhdiddolu açıqlamalar verməkdə davam edirlər. 
 
Beləki, erməni müxalifəti “Mənim Şərəfim” fraksiyasının lideri Artur Vanetsyan paytaxt İrəvanın Fransa meydanında keçirilmiş aksiyada erməni xalqını yeni müharibəyə səsləyib.
 
Müharibənin yeganə xilas yolu olduğunu deyən erməni revanşisti sülh müqaviləsinin Ermənistana heç bir divident gətirməyəcəyini və məğlub olub Qarabağdan sonra Zəngəzuru da Azərbaycana təhvil verəcəyini bildirib.   
 
Əlbəttə, təkcə Vanetsyan yox, həmçinin İşxaq Saqetelyan, Serj Sarkisyan və Robert Köçəryan kimi millətçi ünsürlər Paşinyanı devirib hakimiyyətə gəldikləri təqdirdə Azərbaycan və Türkiyə ilə aparılan danışıqları dayandıracaq və regionda sabitliyi yenidən təhlükə altına ataraq növbəti müharibəyə hazırlıq işlərini görəcəklər. 
 
Məsələ ilə bağlı Ednews –a açıqlama verən Bakı Politoloqlar Klubunun rəhbəri Zaur Məmmədov radikal erməni müxalifətinin arzularının Ermənistanı yalnız fəlakətə sürüklədiyini və ölkənin bundan xilas ola bilməcəyini qeyd edib.
 Zaur Məmmədov: Ölkəmizdə qapanmalara gedilib-gedilməməsi vətəndaşların  məsuliyyətindən və qaydalara necə yanaşmasından asılıdır - AZƏRTAC
 
“Əgər erməni cəmiyyəti Artur Vanetsyanın fikirlərini bölüşürsə, o zaman buyurub Paşinyan hökumətini devirə bilərlər. Bu zaman müharibəni labüd sayan Köçəryan, Vanetsyan, Saqitelyan və Sarkisyan kimi ünsürlərdən ibarət hökumət formalaşacaqdır. Onlar Azərbaycanla problemlərin yeganə həllini hərbi əməliyyatların aparılmasında görürlər. Əslində Vanetsyanın dedikləri Köçəryanın və Sarkisyanın fikirləridir. Burada bir məqamı da nəzərə almaq lazımdır ki, Robert Köçəryan, Serj Sarkisyan və İşxaq Saqetelyan bundan əvvəlki çıxışlarında Azərbaycan və Türkiyə ilə danışıqların aparılmasının tərəfdarı olduqlarını bildiriblər, lakin Paşinyanın apardığı siyasət üsulu ilə yox. Vanetsyan isə açıq şəkildə revanşist fikirlərini ifadə edir”. 
 
Politoloq hesab edir ki, Ermənistan daxilində baş verən hazırki proseslər Azərbaycanı ayıq-sayıq olmağa vadar edir. Hətta o, qeyd edib ki, qonşu ölkədə baş verənlər bir yandan ölkəmizin lehinə olan hadisələrdir. 
 
“Biz başa düşürük ki, erməni cəmiyyətində bir çoxları, hətta erməni lobbisi belə revanşistdirlər və özlərini türk düşməni sayırlar. Bu da yaxın gələcəkdə növbəti müharibənin baş verəcəyi ehtimalını göstərir. Köçəryan, Vanetsyan, Sarkisyan və digər millətçi ünsürlər başa düşməlidirlər ki, növbəti müharibə Azərbaycan ərazisində yox, tarixi torpaqlarımız Ermənistan ərazisində aparılacaqdır. Azərbaycan ordusu Qərbi Zəngəzuru və Göyçəni geri alacaq. Ermənistan dövləti tərəfindən yenidən təhdid müşahidə olunarsa, ölkəmizin müstəqiliyyini və təhlükəsizliyini tarixi torpaqlarımızda möhkəmləndərəcəyik. Buna nail olacağımızda ermənilərin heç bir şübhəsi olmasın”. 
 
Sovet Rusiyası tərəfindən Qərbi Zəngəzurun Ermənistana qanunsuz verildiyini bildirən politoloq vurğulayıb ki, rəsmi İrəvan vaxt gələcək 20 000 kvadrat ərazinin hesabatını verməyə məcbur olacaq. 
 
“Biz ermənilərə ağıllarını başlarına yığmaq üçün son şans veririk. Ərazi iddialarından əl çəksinlər və Azərbaycanın ərazi bütövlüyünü tanısınlar. Əgər Köçəryan və Vanetsyan kimiləri ölkəmizin sərhədlərini tanımayacaqlarsa, heç bir  problem yoxdur, biz də Qərbi Zəngəzuru Ermənistanın ərazisi kimi tanımayacağıq”.
 
Yunis Abdullayev 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...