“Səsləndirdiyimiz fikirlərin böyük əksəriyyəti ya diqqətdən kənar, ya da tam əksi qərar qəbul olunub”.
Ednews xəbər verir ki, bu fikirləri millət vəkili Fazil Mustafa Milli Məclisin bu gün keçirilən növbədənkənar sessiya iclasında səsləndirib.
Deputat qeyd edib ki, bu vəziyyət Konstitusiyanın işləməməsinə gətirib çıxarıb:
“Quru sərhədlərinin bağlanması ilə bağlı qərar qəbul olundu. Ola bilsin ki, dövlətin bildiyi nəsə var. Amma on minlərlə vətəndaşımız acınacaqlı hala düşdülər. Yüzminlər istirahət və müalicə hüquqlarından məhrum oldular. Onlar aylar öncədən quru yollla bilet alıblar. Bu xüsusən də kasıb əhaliyə aiddir. Çünki onlar AZAL-ın qiymətləri ilə qiymət ala bilmirlər”.