ABŞ, Britaniya, Fransa və Almaniya liderləri İranla nüvə razılaşmasını canlandırmaq səylərini müzakirə ediblər.
Ednews "Al Jazeera"-ya istinadən xəbər verir ki, onlar İranın nüvə proqramı ilə bağlı davam edən danışıqları, Yaxın Şərq regionunda tərəfdaşlara dəstəyin gücləndirilməsi kimi məsələləri müzakirə ediblər.
ABŞ prezidenti Co Bayden, Böyük Britaniyanın baş naziri Boris Conson, Fransa prezidenti Emmanuel Makron və Almaniya kansleri Olaf Şolz arasında olan müzakirənin Yaxın Şərq hissəsi ilə bağlı əlavə təfərrüatlar verilməyib.
Keçən həftə Avropa İttifaqı və ABŞ İranın iqtisadi sanksiyalarının yüngülləşdirilməsi müqabilində Tehranın nüvə proqramı barədə müzakirələr aparıblar. Onlar sazişi canlandırmaq üçün Aİ-nin “yekun” təklifinə İranın cavabını öyrəndiklərini bildiriblər.
Liderlər Nüvə danışıqlarındakı uğursuzluğun regional müharibə riskini artıra biləcəyini vurğulayıblar.
Qeyd edək ki, uzun müddətdir bu cür ambisiyaları olduğunu inkar edən İran İsrailin istənilən hücumuna “əzici” cavab veriləcəyi barədə xəbərdarlıq edib.
Nəzrin Beydiyeva