İngiltərədə Liz Trassın cəmi 44 gün sonra istefa verməsi ölkədə qalmaqala səbəb olub.
Ednews xəbər verir ki, ölkə qəzetləri ən qısa müddətli baş nazir kimi tarixə düşən Liz Trassın istefasının Britaniya üçün böyük utanc olduğunu yazıb.
Liz Trass istefasını elan etdikdən sonra Mühafizəkarlar Partiyasında liderlik yarışı yenidən başlayıb.
Partiyanın yeni liderinin və Böyük Britaniyanın yeni baş nazirinin kimin olacağını müəyyənləşdirəcək prosesin gələn həftənin sonuna kimi yekunlaşması gözlənilir.
Yarışda iştirak etmək istəyənlər Mühafizəkarlar Partiyasının 100 deputatı tərəfindən namizəd göstərilməlidirlər. Partiyanın parlamentdə ümumilikdə 357 deputatı olduğundan namizədlik yarışında yalnız üç ad iştirak edə biləcək.
Qeyd edək ki, səs verməyə ehtiyac duyulmasın deyə iki namizəd rəqabət aparacaq və vahid namizəd də irəli sürülə biləcək.
“The Telegraph”-ın yaydığı məlumatda Conson Mühafizəkarlar Partiyasının deputatlarından dəstək istədiyi və partiyanı yalnız onun xilas edə biləcəyini bildirilib.
Britaniya mediasına danışan mənbələr bildirirlər ki, keçmiş baş nazir öz səhvlərindən dərs alıb və "birləşdirici" lider olmağa çalışır.
Xatırladaq ki, Britaniya tarixində Harold Uilson və Uinston Çörçildən başqa heç kim bu postu tərk etdikdən sonra geri qayıtmayıb. Boris Conson köhnə kreslosuna qayıda bilsə, adını Böyük Britaniya tarixinə yazacaq.
Nəzrin Beydiyeva