Oskanyanın qondarma rejimində təyinatı Rusiyanın ADDIMIDIR? - ŞƏRH - ednews.net

6 Dekabr, Çərşənbə axşamı

(+994 50) 229-39-11

Oskanyanın qondarma rejimində təyinatı Rusiyanın ADDIMIDIR? - ŞƏRH

Siyasət A- A A+
Erməni KİV-lərinin iddialarına görə, Ermənistanın sabiq XİN rəhbəri Vardan Oskanyan ın Qarabağda qondarma rejimin yeni xarici işlər naziri təyin edilməsi barədə qərar qəbul edilib. 
 
Bəzi erməni ekspertlər hesab edir ki, qondarma hakimiyyətin idarəsində son kadr dəyişiklikləri və Ruben Vardanyan, Vardan Oskanyan və digər yeni simaların rəhbər postlarına gətirilmələri birbaşa Rusiyada bəzi dairələrin göstərişi ilə həyata keçirilir. 
 
Məsələ ilə bağlı Ednews-açıqlamasında politoloq Natiq Miri qeyd edib ki, Qarabağda yeni separatçı ünsürlər əsasən Rusiyanın əlaltısı Ruben Vardanyanın komandasına daxildir. 
 
Politoloqun sözlərinə görə,  yeni proseslərlə Kreml bölgədə öz hədəflərinə nail olmaq məqsədi güdür. 
 
“Hesab edirəm ki, Rusiya Qarabağda öz maraqlarına uyğun prosesləri yönəltmək üçün Arayik Arutyunyanın yaxın zamanda Ruben Vardanyanla əvəzlənməsinə və qondarma rejimdə yeni siyasi simaların ortalığa çıxmasına ehtiyac duyur. 
Yeni kadr dəyişiklikləri daha çox Ruben Vardanyanın siyasi komandasının formalaşmasına xidmət edir. Bu məsələdə əsas məqsəd isə Rusiyanın yeni separatçı ünsürlər vasitəsi ilə Azərbaycan-Ermənistan münasibətlərinə, o cümlədən Qarabağda siyasi vəziyyətə təsir imkanlarını genişləndirməsidir. Rusiya bölgədə hər hansı siyasi nöqtənin öz nəzarətindən çıxmasını istəmir. Bundan əlavə, son kard dəyişikliklərini Qarabağda rus sülhməramlılarının müddətinin uzadılmasına şərait yaradan zəmin kimi də nəzərə almaq lazımdır”. 
 
Natiq Miri, həmçinin bildirib ki,  qondarma rejimin rəhbərliyinə gətiriləcək Ruben Vardanyan və onun siyasi komandası yaxın zamanda Azərbaycanla danışıqlar aparmağa hazırlaşacaq. 
 
Biliriq ki, gec-tez Azərbaycan və Qarabağ erməniləri arasında inteqrasiya ilə bağlı danışıqlar getməlidir.  Yeni komanda danışıqlara mütləq hazır olacaq. Burada bir vacib məqama diqqət yetirmək lazımdır. Rusiya və Ermənistan Azərbaycana başa salmağa çalışacaq ki, separatçı rejimin yeni ünsürləri cinayət törətməmiş insanlardır və onların əli qana batmayıb. Bunu bəhanə gətirərək Bakı ilə danışıqların aparılmasına çalışacaqlar.  Lakin nə qədər kadr dəyişiklikləri etməyə çalışsalar da, mahiyyət eyni olaraq qalır. Yeni ünsürlər də separatizmə xidmət edir. Azərbaycan birtərfli qaydada separatizmə xidmət ünsürlər ilə danışıqlar aparmır və aparmayacaq. 
 
Vardan Oskanyan  məsələsinə toxunan Natiq Miri qeyd edib ki,  qondarma rejim ilə Azərbaycan arasında danışıqlar aparılması üçün peşəkar siyasətçiyə ehtiyac duyulur. 
 
 “Oskanyanının gələcək təyinatı da Rusiyanın addımı ilə hesablanıb. Heç şübhə doğurmur ki, Vardan Oskanyan Robert Köçəryana xidmət edən şəxsdir. Amma nə Ruben Vardanyan, nə də Vardan Oskanyan Qarabağ klanından deyillər və Azərbaycan vətəndaşı da olmayacaqlar. Rusiyanın sifarişi ilə qondarma qurumun rəhbərliyinə gətirilən şəxslərlə danışıqların aparılması qeyri-mümkündür”.
 
Yunis Abdullayev


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...