ABŞ-ın Çikaqo şəhərinin Edjuoter rayonunda Birləşmiş Ştatlarin sabiq prezidenti Abram Linkolnun heykəli qırmızı boya ilə rənglənib. Abidənin üstündə quldarlığı ləğv edən 16-cı prezidenti hindlilərin soyqırımında ittiham edən yazılarla qeyd olunub.
Ednews xəbər verir ki, bu barədə "Fox News" telekanalı məlumat yayıb.
Şükranlıq günü, həftənin sonunda ətrafdakı ərazinin sakinləri Linkolnun heykəlinin qırmızı boya ilə boyanması, həmçinin “müstəmləkəçi” və “torpağı geri qaytar” sözləri ilə rastlaşıblar. Bundan əlavə, vandallar 1862-ci il ABŞ-Sio müharibəsindən sonra Linkolnun əmri ilə edam edilən Siunun 38 dakotalı qəbiləsinin üzvünü nəzərdə tutaraq "Dakota 38" sözlərini yazıblar.
Heykəl 2020-ci il etirazlarından sonra yaradılmış komissiya tərəfindən şəhərdə araşdırılan çoxsaylı heykəllərdən biri idi. Komissiyanın məqsədi abidələri ayrı-seçkiliyə görə araşdırmaq olub.
Xatırladaq ki, Çikaqoda bu komissiyanın nəticələrinə görə, əvvəllər Kristofer Kolumbun heykəli götürülüb, lakin həmin komissiya problemə sonrakı baxılana qədər Linkolnun abidəsinin qalmasını təklif edib.
