Vaxtilə yalnız rus silahları sayəsində başını qorumağa çalışan Ermənistan bu gün artıq Hindistanın arsenalına sığınmağa başlayıb. Belə ki, ötən gün erməni mənbələrində Ermənitanın Hindistandan almaq istədiyi “Konkurs – M” raketləri və “ATAGS” topları barədə məlumat dərc olunub. Bununla yanaşı bəzi mənbələr Ermənitanın hərbi arsenalında tank, top və raket qurğuları kimi bəzi silah növlərini qısa zamanda möhkəmləndirmək niyyətində olduğunu vurğulayıb.
Bəs, görəsən rəsmi İrəvanı belə bir təşvişə salan səbəb nədir?
Ermənistanın daim müharibə və işğalda maraqlı olduğunu deyən hərbi ekspert Tərlan Eyvazov Ednews-a açıqlamasında vurğulayıb ki, Ermənistan hər zaman müharibəyə hazırlaşıb.
.png)
“Çünki bunun sadə bir cavabı var ki, Ermənistan işğalçı bir dövlətdir”.
Ekspert digər bir səbəbi də qeyd edərkən deyib ki, silahlanma həm də 2 il öncə II Qarabağ müharibəsində məğlubiyyətdən sonra Ermənistanın itkilərin yerini doldurmaq məqsədi daşıyır.
“Ermənitan 2020-ci ildə Vətən müharibəsində ən azı 3 milyard dollar həcmində silah və sursat itkisinə məruz qalıb. Bu gün həm də Ermənistan Rusiyadan əli üzüldüyü təqdirdə həmin itkiləri Hindistan vasitəsilə təmin etməyə çalışır. Lakin Ermənistanın hazırki gücü ilə müharibəyə başlamaq imkanı yoxdur”.
Mütəxəssis Ermənistanın Rusiyadan Hindistana daha çox meyl etməsinin səbəblərinə də toxunub.
“Rusiya Ukrayna ilə müharibə şəraitində olması səbəbilə Ermənitana silah təchiz edə bilmir. Həm də Hindistan silahları köhnə rus silahlarının kalibrləri ilə uyğun gəlir. Bunun digər bir səbəbi Hindistandan gələn silahların qiymətinin ucuz olmasıdır”, - deyə, ekspert bildirib.
T.Eyvazov həmçinin Ermənitanın silahlanmasının separatçılara dəstək məqsədi daşıdığını deyib.
“Biz bilirik ki, Ermənistan hər il 200 milyon dollara yaxın separatçı qüvvələrə dəstək göstərib. Hətta gələn ilin büdcəsində Qarabağdakı separatçı qüvvələrə dəstəyin 360 milyon dollara çatdırılacağı barədə rəsmi məlumat var. Halbuki, siyahıda 500 minə yaxın əhalisi olan Naxçıvanın büdcəsi 400 milyon manat olduğu halda, Ermənistan az sayda olan separatçı və terrorçu dəstələrə bu qədər büdcə ayırır. Bu həm də Ermənistanın hansı məqsəd daşıdığını açıq şəkildə ortaya qoyur”.
Elnur Ənvəroğlu
