"Ağalıda yaradılan şəraiti hər bir güneyli görməlidir" - Əhməd Obalı - ednews.net

8 Fevral, Çərşənbə

(+994 50) 229-39-11

"Ağalıda yaradılan şəraiti hər bir güneyli görməlidir" - Əhməd Obalı

Siyasət A- A A+
“Burada yaradılan şəraiti Güneydən olan hər bir kəs gəlib görməlidir. Qoy görsünlər ki, bir millət yalnız öz bayrağı altında daha xoşbəxt və daha gözəl yaşaya bilər”.
 
Ednews “Report”-a istinadən xəbər verir ki, bu fikirləri bu gün Zəngilan rayonu Ağalı kəndində səfəri zamanı Əhməd Obalı səsləndirib.
 
Ölkəmizdə səfərdə olan güney azərbaycanlı, hazırda Amerikada mühacir həyatı sürən Əhməd Obalının işğaldan azad olunan ərazilərə səfərinin növbəti ünvanı Zəngilan rayonu Ağalı kəndi olub. Kənddə onu Azərbaycan Respublikası Prezidentinin Şərqi Zəngəzur İqtisadi rayonun üzrə xüsusi nümayəndliyinin əməkdaşı Aqil Qurbanov qarşılayıb. Əhməd Obalıya Ağalı kəndində yaradılan şəraitlə bağlı ətraflı məlumat verilib.
 
Bildirilib ki, qısa müddət ərzində Ağalının doğma sakinləri öz yurduna qovuşub, onların sosial rifahı üçün kənddə hər cür şərait yaradılıb. Ağalı kəndi ilə tanış olan qonaq burada yaradılan şərait barədə belə deyib:
 
“Yol boyu gəldiyimiz hər yerdə xarabalıq və dağıntıların şahidi olduq. Adamın inanmağı gəlmir ki, o cür dağıntılardan sonra belə bir möhtəşəm və müasir kənd görəcəksən. Mən bura təsadüfən gəlmiş olsaydım, elə zənn edərdim ki, dünyanın hansısa bir inkişaf etmiş şəhərindəyəm. Burada gördüyüm inkişaf məni çox sevindirdi. İndi siz baxın ki, hələ kənd bu cür ürəkaçandırsa, görün şəhərlər necə bərpa ediləcək. Mən onu da demək istəyirəm ki, burada yaradılan şəraiti Güneydən olan hər bir kəs gəlib görməlidir. Qoy görsünlər ki, bir millət yalnız öz bayrağı altında daha xoşbəxt və daha gözəl yaşaya bilər”.


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...