“Azərbaycan öz dostlarından yeni silahlar almalıdır” - Hərbi ekspert - ednews.net

27 Yanvar, Cümə

(+994 50) 229-39-11

“Azərbaycan öz dostlarından yeni silahlar almalıdır” - Hərbi ekspert

Siyasət A- A A+

44 günlük Vətən müharibəsindən sonra Azərbaycan ordusunun Türkiyə ordu modelinə keçidi başlanıldı. Bununla da ordunun müasirləşməsi daha da sürətləndi.

Ermənistanda uduzduğu müharibədən sonra boş dayanmadı və öz ordusunu yeni silahlarla təchiz etməyə başladı. Belə ki, son zamanlar Ermənistan Hindistandan uzun mənzilli raket sistemlərinin alınması mövzusu Azərbaycan auditoriyasının gündəmindədir. 

Azərbaycanda müharibədən sonra təkcə ordunun şəxsi heyətinin təkminləşdirilməsinə deyil, həm də ordunun müasir texnoloji silahlarla təchizinə maraq ayırdı. Bir müddət Azərbaycan mediasında gedən məlumatlara görə Azərbaycan Pakistan İslam respublikasından döyüş və təlim təyyarələri alacağı barədə xəbərlər verilirdi. Azərbaycan Pakistandan “JF -17 Thunder” döyüş və "Super Mushshak" təlim təyyarələrini almaq istəyir. Bundan başqa Bakıda ADEX-2022 və “Securex Caspian-2022” 13-cü Beynəlxalq “Daxili təhlükəsizlik, mühafizə və xilasetmə avadanlığı” sərgiləri zamanı Azərbaycan İsrail və Türkiyədən yeni silahların alınması barədə razılığa gəlinmişdi. 

Azərbaycanın Müdafiə Sənayesi naziri Mədət Quliyev yeni silahların alınması barədə danışarkən; “Türkiyə ilə birlikdə 10-15 il əvvələ nəzərdə tutulan bu cür silahlar üzərində işləyirik. Yəni biz gələcəyə baxırıq. Biz hətta 20 il irəliyə baxırıq. Bu, dövlət başçısının göstərişidir”, - deyə o, qeyd edib.

Rəsmi Bakı Təl-Əvivlə də danışıqlar aparır. Azərbaycanın Müdafiə naziri, general-polkovnik Zakir Həsənov İsrailin “Rafael” şirkətinin rəhbəri Yoav Har-Even arasında keçirilən görüşdə regional təhlükəsizliyə ümumi töhfəni müzakirə ediblər. 

Xatırladaq ki, “Rafael şirkətinin məhsulları arasında AGM-142 “Have Nap” hava-yer raketləri, “Shafrir” hava-hava raketləri, “Spike” tank əleyhinə raket sistemləri, “Spyder” zenit-raket sistemləri, “Matador” tank əleyhinə qumbaraatan, “Skylite” vasitələri, uzaqdan idarə olunan “Protector” qayığı, “Dəmir Günbəz” taktiki Raket Əleyhinə Müdafiə (RƏM) sistemi, zirehli maşınlar üçün “Trophy” aktiv müdafiə sistemi, “Iron Beam” lazer əsaslı RƏM sistemi diqqət çəkir.

Bəs Azərbaycan ordunun silah təminatını yaxşılaşdırmaq üçün hansı addımları atır?

Bu barədə Ednews-a açıqlama verən hərbi ekspert Emin Həsənliyə görə, hər il yeni silahlar çıxır və bütün dövlətlər bu silahları əldə etmək istəyir:

“Hər bir dövlət istəyir ki, çox düz olsun və öz sərhədlərində müstəqilliyi qorusun. Hər bir dövlətin güclü olması onun güclü ordusundan çox asılıdır. İqtisadiyyatı və ordusu güclü olmalıdır. Bu həm hava hücumu üçün, həm quru qoşunları üçün çox vacibdir. Bütün qoşun növləri üçün. Burda təkcə helikopter və tanklardan söhbət getmir. Rabitə qurğularından tutmuş istənilən ordu üçün lazım olan ləvazimat, əgər yenisi varsa, yenisi daha lazımlıdırsa və düşməndən üstünlük əldə etmək üçün önəmlidirsə, Azərbaycan dövləti onu edir və edəcək. Son illər onu göstərir ki, Azərbaycan prezidenti, Silahlı qüvvələrin Ali Baş komandanı ordunun saxlanılması üçün, silahlanması üçün nə lazımdırsa, edir və bu da təbiidir. Bunun nəticəsində də 2020-ci ildə biz böyük qələbə əldə elədik. 

Bilirsiz ki, dağlıq və meşə ərazilərində yeni Xüsusi komanda hərbi hissələrimiz yaradılıb, xüsusən Anti terror əməliyyatlarının keçirilməsi üçün xüsusi təlimlər keçirildi. Qardaş Türkiyə ilə geniş miqyaslı təlimlər keçirilir. Bu təlimlər hamısı ordumuzun güclənməsinə, inkişaf etməsinə töhfə edir. Azərbaycan ordusu da Türkiyə modelinə keçir. Şuşa bəyənnaməsinə bu tam uyğundur, bu bizim də milli maraqlarımıza tam cavab verir. Türkiyə ordusu dünyanın ən güclü ordularından biridir və Türkiyədə son zaman silah istehsalında çox böyük uğurlar əldə eləyib və 80 faiz özü təmin eləyir. Azərbaycan ordusu da müdafiə sahəsində son dövrlər inkişafı var, bəzi yerlərə silahlar istehsal edilir, təkminləşdirilir. Azərbaycan da müttəfiqi Türkiyədən helikopterkərin və digər silahların alınmasına maraq göstərməsi təbiidir”. 

Ekspertin sözlərinə görə, Azərbaycan silahların alınması üçün özünün dostlarına üstünlük verməlidir:

“Pakistan Azərbaycana müharibədə çox böyük dəstək oldu.  Biz Britaniyaya, İsrailə daha böyük üstünlük verə bilərik. Amerika Birləşmiş Ştatlarına üstünlük vermək olar. Rusiya silahının Ukrayna müharibəsindən sonra dünyadakı imici də bəllidir. Qarabağ müharibəsindən sonra müharibəyə münasibət dəyişib. Bu da bəllidir. Müharibədə artıq yeni silahların olması qaçınılmazıdır. Ukrayna müharibəsi də onu göstərdi ki, ənənəvi hücüm taktikası özünü doğrultmur. Və ya kiçik qruplar elə yerlər var ki, orda kiçik xüsusi təyinatlıların əməliyyatı, peşəkar hərbiçilərin əməliyyatı daha effektivdir. O cümlədən hava zərbələri dəqiq olmalıdır. Artireya zərbələri dəqiq olmalıdır. Biz dünyanın ən müasir dövlətləri ilə əməkdaşlıq etməliyik. Qardaş Türkiyənin də bu sahədə inkişafı yüksəlir. Yaxınlıqda onların təyyarələri olacaq, onlarla da birgə bu işi Azərbaycan dövləti aparacaq. Yəni, güclü olmaq istəyirsənsə, özünün olmalıdır. Azərbaycan dövləti özü də bunu fikirləşməlidir. Xüsusən, Türkiyə ilə bu sahədə işlər dərinləşdirilir və gələcəyə böyük müddət var”.

Əbülfət Baxşəli



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...