İranın baş prokuroru şənbə günü əxlaq polisinin 'ləğv edildiyini' təklif olaraq bəyan edib. Həmin vaxtdan artıq bir həftəyə yaxın vaxt ötsə də, ortada bir nəticə yoxdur. 

Hətta bəzi dövlətin mövqeyindən çıxış edən İran mediası bu barədə xəbəri təkzib edərək yanlış olduğunu bildirib. 

İran iqtidarının bu cür davranışı onu göstərir ki, Məhsa Əmininin həbsdə öldürülməsindən sonra sentyabr ayından qığılcımlanan etirazlar rejimi sadəcə bərk təşvişə salıb. Belə ki, etirazçılar baş örtüyü ilə bağlı qərara dəyişikliyin edilməsi barədə hökumət qarşısında qoyduğu zaman hökumət etirazları yatırmaq məqsədilə “əxlaq polisinin” ləğvi məsələsini alət olaraq ortaya atır. Lakin İranın baş prokuroru Mohamməd Cəfər Müntəzirinin ekran qarşısında ifadə etdiyi bu fikri heç də icraata çevrilmir. Əksinə, İranın dövlət mediası xaricdə yayılan xəbərlərə diqqət çəkərək Montazerinin şərhlərinin yanlış şərh edildiyini, heç bir bəyannamə verilmədiyini və əxlaq polisinin fəaliyyətini davam etdirdiyini bildirib. Digər məlumatlarda qeyd olunurdu ki, Əmininin ölümündən sonra etirazlar başlayandan bəri bölmə əsasən fəaliyyətsiz olub.

Ən maraqlı məqam isə İranın baş prokurorunun sonuncu dəfə mediaya verdiyi açıqlama olub. O, bundan sonra məhkəmənin xalqın davranışına göz qoyacağını vurğulayıb.  

“Şəhərlərdə qadınların başı açıq gəzməsinin sizin üçün nə qədər mənəvi əzab olduğunu təsəvvür edirik. Sizcə rəsmi dairələr buna susurlarmı?,” – deyə  Müntəziri bildirib.

“Bu məsələ ilə məşğul olan biri kimi deyirəm ki, həm parlament, həm də məhkəmə ciddi fəaliyyət göstərir. Məsələn, dünən parlamentin mədəniyyət komissiyası ilə görüşümüz oldu və növbəti günlərdə - ən azı bir və ya iki həftə ərzində bunun nəticəsini görəcəksiniz”.

Qeyd edək ki, Məhsa Əmini İran İslam Respublikasının qadınların ictimai yerlərdə başlarını örtmələrini diktə edən sərt geyim qaydalarını pozduğuna görə həbs edilib. Onun ölümü İranın ruhani hökmdarlarının devrilməsi üçün çağırışlara çevrilən iğtişaş dalğasına səbəb olub. Nəticədə İran rejiminin basqıları yüzlərlə insanın ölümü ilə nəticələnib.

Elnur Ənvəroğlu

• Tag:
• Elnur Ənvəroğlu
• İran
• molla rejimi