Azərbaycan Respublikasının Prezidenti İlham Əliyev ilə Rusiya Federasiyasının Prezidenti Vladimir Putin arasında telefon danışığı olub.
Ednews "TASS"a istinadən xəbər verir ki, bu barədə Kremlin mətbuat xidməti məlumat yayıb.
"Danışıqlar zamanı Rusiya, Azərbaycan və Ermənistan liderləri arasında 9 noyabr 2020-ci il, 2021-ci il 11 yanvar və 26 noyabr və bu il oktyabrın 31-də imzalanmış sazişlərin həyata keçirilməsinin bəzi praktiki aspektləri, o cümlədən Cənubi Qafqazda iqtisadi və logistika əlaqələrinin bərpası planları müzakirə edilib" - deyə məlumatda bildirilib.
Kreml qeyd edib ki, gələcək təmaslar barədə də razılıq əldə olunub.
