Erməni mətbuatı yazır ki, Qarabağda yerləşən bəzi sülhməramlılar qazanc əldə etməyə başlayıblar. Onlar Laçın yolu ilə yükün bir hissəsini ödənişlə aparılması ilə bağlı xəbərlər yayımlayıb . Aparılan hər yük maşını üçün min dollara qədər pul alınır. 

Maraqlıdır ki, ermənilər niyə onlara yardım edən, onlar üçün ev tikən hər zaman sülhməramlı olmaqlarına baxmayaraq erməni pərəst mövqe nümayiş etdirən rus əsgərlərinə qarşı belə radikal mövqe sərgiləməyə başlayıblar? Buna səbəb nə ola bilər? 

Məsələ ilə bağlı Ednews-a danışan politloq Qabil Hüseynli bildirib ki fikrimcə erməni mətbuatının qeyd etdiyi məsələdə tam olmasa da həqiqət payı var. 

“Yəni  yolun bir qismində hərəkət məhdudlaşdırıldığından  rus sülhməramlıları Xankəndinə,  Ağdərəyə və Əsgərana  göndərilən yüklər üçün pul tələb etməyə başlayıblar. Sülhməramlılar  əvvəl  faydalı qazıntı yataqlarının  istismarından pul əldə edirdi.İndi də yük daşınmalarından pul əldə edirlər.  Bu nöqteyi- nəzərdən iki tərəfli hərəkət edərək özlərinə sərf edən  mütənasibliyi qorumağa  çalışırlar”. 

Onun fikrincə yazılanların doğru olmadığını söyləmək çətindir. 

“ Sülhməramlılar  bölgədən  qazanc məqsədləri üçün  istifadə edirlər”.

Hərbi ekspert Ədalət Verdiyev isə bildirib ki, Rusiya sülhməramlılarının  Qarabağda yaşayan ermənilərdən qazanc əldə etməsinə dair məlumatlara   biz daha əvvəl də rast gəlmişik.  

Bir neçə dəfə də  rus sülhməramlılarının nəzarət etdiyi ərazilərdə  ermənilər üçün hər hansı məbləğdə pul vəsaiti qarşılığında inşaat materiallarının yüklənib-boşaldılması ilə məşğul olduğuna dair fotofaktları  paylaşmışdım. Şübhə doğuran bir məsələ var ki,  yalnız Rusiya kontingentinə məxsus maşınlar  Laçın yolu ilə hərəkət edir”. 

Ekspertin sözlərinə görə istənilən halda bu məlumatlar bir neçə yerdə paylaşılıbsa xəbərin doğru olduğunu vurğulayır. 

“Ermənistanın indiyə qədər olan fəaliyyətlərindən  hər şey məlum olub. Onlar istəyirdi ki, Rusiya onların əvəzinə Azərbaycanla mübarizə aparmalı, ermənilər üçün komfort şərait yaratmalı,  onların təhlükəsizliyini təmin etsinlər. Rusiyanın mövqeyi də müharibədən sonra bəlli oldu”.  

Ekspert həmçinin Lavrovun bəyanatına  şərh bildirib.

 “Dünən  də Lavrov  bir qədər qabarıq şəkildə açıqlama verərək  strateji müttəfiqi olan  Ermənistanı işğalçı  dövlət adlandırdı. Azərbaycanın da  haqlı olaraq torpaqlarını işğaldan azad etdiyini  ictimaiyyətin nəzərinə çatdırdı. Belə bir hadisə təbii ki,Ermənistanda xoş qarşılanmadı.Ermənistandan olan bir çox ictimai xadimlər parlament üzvləri buna qarşılıq verdilər. İstənilən halda Lavrovun bu açıqlaması əvvəlki çıxışlarından sərt idi. Bir ölkənin strateji müttəfiqini işğalçı adlandırması  qəribədir”. 

Ekspert  həm də qeyd edib ki, bundan sonra Ermənistan rəhbərliyi   Rusiyanın Ukraynadakı fəaliyyətlərini işğalçı kimi dəyərləndirə bilər. 

 “Bu təəccüblü olmayacaq. Nəticədə  bu Rusiya -Ermənistan münasibətlərinin daha da kəskinləşməsinə gətirib çıxara bilər”.

Ayan Rzayeva

• Tag:
• sülhməramlılar
• Laçın yolu
• qazanc