İran hakimiyyəti Güney Azərbaycanın Təbriz şəhərindəki universitetdə fəaliyyət göstərən Azərbaycanşünaslıq Mərkəzini bağlayıb.

 

Bu barədə mərkəzin sosial şəbəkədəki səhifəsində bildirilib.

 

Məlumata görə, İran rejimi Azərbaycanşünaslıq Mərkəzinin fəaliyyətini dayandırmaqla yanaşı, onun üzvlərinə qarşı təzyiq və təqibləri də artırıb.

 

Vurğulanıb ki, mərkəzin Təbrizdən olan iki üzvü Hadi Heydəri Azad və İbrahim Əhmədpur fevralın 27-də həbs olunub.

 

Sosial mediada "Təbriz Universitetinin hər yeri Azərbaycanşünaslıq Mərkəzidir", paylaşımı edilib.

 

Qeyd edək ki, Tehran rejimi əvvəllər də bu mərkəzin üzvlərinə qarşı təzyiqlər göstərib, təqib edib. Bir neçə il əvvəl Təbriz Universitetinin Əkinçilik və kənd təsərrüfatı fakültəsinin tələbəsi Əfsanə Toqir həbs edilmiş, işgəncəyə məruz qalmışdı.

Azərbaycanda da İran səfirliyinin Mədəniyyət Mərkəzi və İranşünaslıq adı altında müxtəlif mərkəzlər fəaliyyət göstərir. 

 

Məsələ ilə bağlı Ednews-a Millət vəkili Fazil Mustafa danışıb. O, İranın bu hərəkətinin yersiz və səviyyəsiz olduğunu deyib:

 

“Azərbaycanda hər hansısa bir mərkəzin bağlanmasına ehtiyac yoxdur. Biz mədəni ölkəyik İran kimi vəhşi, ideoloji xəstəliyə tutulmuş zehniyyət sahibi deyilik. Biz öz ölkəmizdə qonşu ölkələri öyrənən instutları qoruyuruq. Bu vacibdir və müəyyən mənada bizim üçün önəmlidir. Bu insan haqqlarına zidd bir fəaliyyətdir. Azərbaycançılıq mərkəzini bağlamaq həm də o deməkdir ki, bundan sonra İran erməniçilik mərkəzləri yaratmağa davam edəcəkdir. Bu addımla İran rejimi əslində özünə böyük bir problem yaradır. Azərbaycanlılara qarşı atılan bu addımlar bir gün İranın başında ciddi şəkildə problemlər yaranmasına gətirib çıxaracaq. Bu baxımdan məncə hər hansı bir burada İranın xeyrinə işləyən addım yoxdur. Çox yersiz və səviyyəsiz davranışdır”.

 

Əbülfət Baxşəli

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary