Rəsmi Bakı Qarabağın erməni ictimaiyyətinin nümayəndələri ilə ikinci görüşün Bakıda keçirilməsini bir daha təklif edib.

Azərbaycan Respublikası Prezidentinin Administrasiyası martın 1-də Xocalı şəhərində keçirilmiş görüşün və martın 13-də təqdim edilmiş dəvətin davamı olaraq Qarabağın erməni ictimaiyyətinin nümayəndələrini reinteqrasiya, həmçinin Qarabağda infrastruktur layihələrinin icrası məsələlərinin müzakirəsi məqsədilə aprel ayının birinci həftəsi Bakı şəhərində görüşün keçirilməsini bir daha təklif edib.

Məsələ ilə bağlı Ednews-a dansan deputat Elşad Mirbəşiroğlu bildirib ki, ermənilər kənardan gələn dəstək və təlimatlar əsasında Bakıdakı görüşdən imtina edirlər. 

Onun sözlərinə görə, Azərbaycan ərazisində yaşayan ermənilərin vəziyyəti, təhlükəsizliyi ölkənin öz daxili işidir.

“Bu məsələni dövlətimiz ikinci dövlətlə müzakirə etmək fikrində deyil. Azərbaycan ərazisində yaşayan ermənilər yalnız Azərbaycan Respublikasının Konstitusiyasına uyğun olaraq vətəndaşlıqlarını davam etdirə bilərlər. Yalnız bu halda onlar Azərbaycan ərazisində qala bilərlər. Əks halda onlar bunu qəbul etməyib qalmaq istəsələr separatizm davam etdirmiş olacaqlar. Heç bir halda isə buna yol verilməyəcək. Emənilərin reinteqrasiyası prossesi Azərbaycan tərəfinin təşəbbüsü əsasında həyata keçirməlidir. Buna görə də ilk görüş Xocalıda keçirildi. İkinci dəfə bu görüşün Bakıda keçirilməsi  üçün təkif edildi. Lakin ermənilər buna imtina etdilər. Bakıda baş tutacaq görüşlə bağlı Azərbaycan Respublikası Prezidentinin Administrasiyası ikinci dəfə yenidən təklif göndərib. Təbii ki, Azərbaycan ərazisində yaşayan ermənilər kənar təsir altındadılar. Bir sıra ölkələr, xüsusən, Fransa Azərbaycan ərazisində separatizmi dəstəkləyir. Azərbaycan ərazisində yaşayan ermənilər kənardan gələn dəstək və təlimatlar əsasında Bakıdakı görüşdən imtina edirlər. Təbii ki, ermənilər və onları dəstəkləyən havadarlar da çox gözəl bilirlər ki, onlar tam təhlükəsizlik şəraitində Bakıya gəlib sona isə  geri dönə bilərlər. Həyatları üçün heç bir təhlükə mövcud deyil”.

Deputat həmçinin vurğulayıb ki, görüşə gəlməmək üçün ermənilərin məqsədləri başqadır. 

“Azərbaycan belə təkliflər etməklə bir daha göstərir ki, niyyəti və məqsədi humanistdir. Biz məsələni dinc və dialoq yolu ilə həll etməyə çalışırıq. Görüşlər üçün atılan addımlar Azərbaycanla  bağlı formalaşdırılan əsassız iddilara ciddi zərbədir. Bir daha qeyd edirəm ki, Azərbaycan ərazisində yaşayan ermənilərin təhlükəsizlik problemi mövcud deyil. Bu ona dəlalət edir ki, Azərbaycan hazırki vəziyyəti heç bir halda qəbul etmir. Azərbaycan bütün əraziləri boyunca suverenliyi təmin edəcək. Bu baxımdan əraizlərimizdə yaşayan ermənilərən reinteqrasiyası bizim üçün önəmli və aktual məsələdir. Bu istiqamətdə addımlar atırıq və atacağıq. Bu özüdə çox mühim subniminal mesajlardır. Azərbaycan ərazisində yaşayan ermənilər dərk etməlidirlər ki, bu torpaqlarda yaşamaq istəyirlərsə vətəndaşlığı qəbul edib, öz yaşamlarına davam edə bilərlər. Digər alternativi mövcud deyil. Rəsmi Bakının görüş təşəbbüsləri  informasiya müstəvisində bizim haqlı mövqelərimizi daha da möhkəmləndirir. Ölkəmiz ərəzisində yaşan ermənilərə digər xalqlar kimi yanaşılır”. 

Aysel Şahmar