Ermənistan tərəfindən aprelin 22-də birtərəfli qaydada Azərbaycan ilə sərhəddə Laçın-Xankəndi yolunun girişində nəzarət buraxılış məntəqəsinin qurulmasına adekvat olaraq aprelin 23-ü saat 12:00-da Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurulub.
“Cənubi Qafqazda sülhün və sabitliyin təminatı Azərbaycan və Ermənistan arasında imzalanacaq sülh sazişindən keçəcək”.
Ednews xəbər verir ki bunu Bütöv Azərbaycan Xalq Cəbhəsi Partiyasının sədr müavini Niyaməddin Orduxanlı deyib.
O bildirib ki, Laçın-Xankəndi yolunun başlanğıcında sərhəd-buraxılış məntəqəsi qurulması Azərbaycanın suveren ərazi bütövlüyünün təmin olunmasının prinsipidir.
“ Bu çox böyük bir hadisədir. Əldə etdiyimiz beynəlxaq hüquq çərçivəsində biz bunu həyata keçirmişik. Bütövlükdə Azərbaycanın öz ərazisinin qonşu ölkələr ilə buraxılış məntəqəsinin yaradılması böyük bir addım idi. Hələ ki, bu məntəqə Ermənistandanla yaradılıbsa daha böyük bir addımdır. Azərbaycan Cənubi Qafqazın lider ölkəsidir.
Bütün proseslərlərin tənzimlənməsi məhz Azərbaycanın Ermənistan və Gürcüstana olan münasibətindən irəli gəlir. Bütün imkanlar çərçivəsində növbəti mərhələyə addımlarımızı atmalıyıq”.
Niyaməddin Orduxanlı vurğulayıb ki, Xankənd, Xocalı və digər ərazilərimizdə Azərbaycanın ərazi bütövlüyünün tam təmin olunmasını həyata keçirməliyik.
.jpg)
“Düşünürəm ki, bu proses Xankəndi və digər ərazilərdə həyata keçiriləcək. Məhz, 44 günlük Vətən müharibəsindən sonra 14-15 faiz ərazimiz Rusiya sülhməramlıların nəzarəti altındadır. Onlar Qarabağda olan erməni rejiminin təsirindədirlər. Həmin ərazilərin qaytarılması istiqamətində işlər gedir. Dünən də bunun bir nümunəsini gördük. Bu proseslərdən sonra Azərbaycan və Ermənistan arasında Cənubi Qafqazdakı proseslərin tam təmin olunması sülh sazişindən keçir. Məhz, indiki məqamda Ermənistan başa düşməlidir ki, Azərbaycan ilə sülh sazişi imzalamalıdır. Çox təəssüf ki, Ermənistan sülh müqaviləsini bağlamaqda maraqlı görünmür. Ermənistan düşünür ki, Rusiya və Türkiyədə hakim dairələrində dəyişiklik ola bilər. Bu da Ermənistanın xeyrinə olacaq. Buna görə də prosesi uzatmağa çalışırlar”.
Aysel Şahmar
