Xəbər verdiyimiz kimi, Rusiya Müdafiə Nazirliyi Afrika və Yaxın Şərqdə yerləşən "Wagner" Özəl Hərbi Şirkətinin muzdlularına nəzarət etməyi planlaşdırır. “Wagner”in əməliyyatlarının idarə edilməsi Müdafiə Nazirliyi ilə əlaqəli silahlı podratçı tərəfindən həyata keçirilə bilər.
Bundan əlavə, ÖHŞ-nin bütün gizli xarici şəbəkəsinin Rusiya hərbi komandanlığına tabe edilməsi planlaşdırılır. Bu, gələcəkdə "Wagner"in təşkil etdiyi üsyanların qarşısını almağa imkan verəcək.
Bu barədə Ednews-a jurnalist Fuad Abbasov bildirdi ki, "Wagner" qrupuna daxil olan insanların böyük bir hissəsi Rusiya vətəndaşlarıdır. Priqojinin dönəmində bəhs etdiyim qrupa daxil olan vətəndaşlara çox böyük təzminatlar, ödənişlər, yaralananlar, həlak olanlar hər birinci ciddi təzimanatları vardı:
“Bunların öhdəliklərini yerinə gətirilməməsi Rusiyada çox ciddi sosial həyəcana səbəb ola bilər. Düşünürəm ki, Rusiyada iqtidar ilk növbədə bu məsələyə nəzarət etməlidir. Hərçənd, Putin dəfələrlə əvvəlki açıqlamalarında "Wagner"in Rusiya dövləti ilə heç bir əlaqəsi olmadığını demiş, özəl bir şirkət olduğunu vurğulayırdı. Ancaq Priqojinin məşhur qiyamından sonra "Wagner" qrupunun 90 milyard rubl xərcləndiyinə diqqət çəkmişdi. Beləliklə büdcədən təmin edilən bir özəl hərbi ordu servisinə gəlmişdi. Birinci növbədə rus vətəndaşları o qrupda iştirak edirdilər, ailələrinə vəd edilən təminatları vermək öhdəliyi var. Bunu da həyata keçirir. İkincisi də nədən olmasın ki, yaxşı təlim keçmiş bir çox qaynaqr nöqtədə özünü yüksək səviyyədə göstərmiş silahlı muzdlulardan imtina etsin, Rusiya? Onun üçün bunların Rusiya Müdafiə Nazirliyinə daxil edilməsi onları nəzarət altına alacaq, təminatlarını reallaşdıracaq. Onlara verilmiş sözlərə əməl ediləcək. Üçünücüsü isə həm Afrikada, həm Asiyada, Yaxın Şərqdə, Ukraynada, hətta bəlkə də Qarabağda da onlara müəyyən vəzifələr verərək Rusiyanın nizami ordusunun edə bilmədiyi fəaliyyətləri "Wagner" qrupu vasitsəsi ilə həll edəcəklər”.
Qeyd edək ki, bu yaxınlarda Vladimir Putin “Wagner”in Rusiya ordusuna qoşulmasına icazə verən fərman imzalayıb
Oğuz
