Ali Baş Komandan, Prezident İlham Əliyevin rəhbərliyi ilə Azərbaycan ordusu canı-qanı bahasına Ermənistan ordusunun məğlubedilməzliyi barədə illərdir formalaşdırılmış mifi 44 günə dağıtdı, bütün qüvvələri Azərbaycan xalqının iradəsi ilə hesablaşmağa vadar etdi, Azərbaycanın ərazi bütövlüyü bərpa olundu. Öz ata-baba ocağımız, doğma torpaqlarımız tarixi sahibinə qayıtdı. Bir qanadı yaralanmış qartala bənzər xəritəminiz öz bütövlüyünə qovuşdu. Qarabağ uğrunda apardığımız haqlı mübarizədən sonra işğaldan azad olunan ərazilərdə ermənilərlə azərbaycanlıların birgə yaşayışı qarşıda duran əsas məsələlərdən biridir.
Ednews mövzu ilə bağlı ölkə ictimaiyyəti arasında sorğu keçirib. Ermənilərlə birgə yaşaya bilərsinizmi?
Xalq şairi Nəriman Həsənzadə:
“Cənab prezident necə deyirsə elə deyirəm”.
Xalq artisti Afaq Bəşirqızı:
“Ermənilərlə birgə yaşaya bilmərəm. Buna qəti şəkildə razı deyiləm”.
Xalq artisti Niyaməddin Musayev:
“Biz sülh adamıyıq. İşğal olunmuş torpaqlarımızdan separatçılar çıxmalıdır. Xalq həmişə qaynayıb-qarışacaq. Gələcək də göstərəcək ki, ermənilərlə yaşaya bilərik ya yox”.
Rejissor Ayaz Salayev:
“Bu belə bir sualdır ki, burada ikiüzlü olmaq lazımdır. Bir tərəfdən dünya ictimaiyyətinə demək ki, biz yaşaya bilərik, amma əslində onları xaric etmək. Mənə elə gəlir ki, burada iş görmək lazımdır. Yeganə sualdır ki, istəmirəm səmimi olum. Nə qədər erməni qalsa bu gələcək üçün bir bombadır. Hinduların atalar sözü ilə cavab verim: “Biz torpağı dədə-babamızdan varis götürmədik, biz torpağı övladlarımızdan borc aldıq”.
Rəssam Əli İsmayıl:
"Yox mümkün deyil. Son 130 -150 ildə sistematik şəkildə türkə qarşı ideoloji olaraq böyük terror təşkilatı quran ermənilərin terror və türk qanına susamaq genlərinə keçib. Türk insanına bu nifrət onlarda artıq qan yaddaşı vasitəsilə keçir. Onlarla birgə yaşamaq mümkün deyil".
Müasir Müsavat Partiyasının sədri Hafiz Hacıyev:
"Ermənilər Azərbaycan konstitutsiya qanunlarına tabel olursa bigə yaşayış mümkün ola bilər. Qonşu xalqlarıq, nə onlar bizə köçəsidi, nə də biz. Onlar bizim şərtləri qəbul etsələr birgə yaşaya bilərik. Dünya tamam dəyişir. Xankəndinə azərbaycanlılar köçməlidir. Şərtlərimizi qəbul etməkdən savayı başqa yolları yoxdur".
Aktrisa Zülfiyyə Qurbanova:
"Bu qədər ağrılardan sonra yox".
Təhsil eksperti İlham Əhmədov:
“Qısa və konkret xeyr deyirəm”.
Fotoqraf Şahin Yüksəl:
“Mən istəməzdim, çünki bu millətə heç etibar yoxdu”.
İlahiyyatçı Tural İrfan:
“Ermənilər ilə birgə yaşamaq gürzə ilanla, quduz itlə birgə yaşamaq kimidir. Gərək yatanda da bir gözün açıq olsun. Çünki xislət heç zaman dəyişmir. Ermənilər ilə yalnız məcburiyyət qarşısında, müvəqqəti bir yerdə yaşamaq olar. Yüz ildir qanına nifrət yerimiş bir toplum bəlkə 100 ildən sonra nisbətən islah ola bilər. Ancaq yenə deyirəm, məcburiyyət qarşında, siyasi məqsədlərimiz üçün, dövlətimiz naminə gərəkdirsə çətin olsa da gərək yaşayaq. Dövlət üçün, xalq üçün canavarla da birgə yaşamaq olar”.
Azad Vətən Partiyasının sədri Akif Nağı:
“Ermənilərin Azərbaycana qarşı törətdikləri cinayətlərdən sonra onlarla birgə yaşamaq mümkün deyil. Bunun günahı bizdə deyil, ermənilərdədi. Son yüz il ərzində azərbaycanlılara qarşı 3 dəfə soyqırım törədiblər. 30 il ərzində yurdumuz, evimiz, qəbirlərimiz dağıdılıb, viran edilib. Qadınları, uşaqları qətlə yetiriblər. Bütün bunlara görə bütün ermənilər məsuliyyət daşıyır, hər bir erməni bu və ya digər formada bu cinayətlərdə iştirak edib, heç bir erməni bu cinayətlərə etiraz da etməyib. Ona görə də hamısı kollektiv şəkildə məsiliyyət daşıyır. Mən bunları ermənilərə bağışlaya bilmərəm. Onlarla nəinki qonşu olmaq, heç bir stolun arxasında da otura bilmərəm”.
Yazar Günel Natiq:
"Mən sülh adamıyam, insanlar, xalqlar arasında konfliktləri sevmirəm. Əgər qarşı tərəf də sülh məramlıdırsa, bizim şərtlərimizi qəbul edəcəklərsə, torpağımızda yaşaya bilərlər. Əslində mən bunun necə olacağını təsəvvür edə bilmirəm. Bu qədər qan töküləndən sonra mümkünsüz kimi görünür. Amma tarix baba bizə nələri öyrətməyib ki".
İqtisadçı-ekspert Günay Hüseynova:
“İlk əvvəl bir qazi qızı kimi cavab verim – “qətiyyən yox”. Şəhidlərin ruhuna, qazilərimizə, Xocalı qurbanlarına xəyanət olar düşmənlə birgə yaşamaq”.
Oğuz