Siyasi ekspert, Azərbaycan - ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys, ABŞ prezidentliyinə namizəd Vivek Ramasvaminin Azərbaycana qarşı açıqlaması haqqında fikir bildirib.
Ednews xəbər verir ki, o bu barədə “CBC Azərbaycan” kanalına danışıb. Xatırladaq ki, ABŞ prezidentliyinə namizəd Vivek Ramasvami “X” platformasında çıxış etdiyi müsahibəsində Azərbaycanın Qarabağ ermənilərinə qarşı “cinayət” törətdiyi ilə bağlı qərəzli və təxribat dolu fikirlər səsləndirib.
Ekspert müsahibəsində bildirib ki, Ramasvami peşəkarlıqdan və diplomatiyadan anlayışı olmayan bir siyasətçidir.
“Vivek Ramosvami çox bacarıqsız siyasətçidir. Hətta deyərdim ki, o, peşəkarlıqdan, diplomatiyadan uzaqdır. Onun son müsahibəsi də buna bariz nümunədir. Ramosvami indi ermənilərə saxta xəbərlər yaymaqda əlbirdir. Ən iyrənci və acınaqlısı odur ki, o onlara qarşı törədilən uydurma cinayətləri 2020 – ci ildəki Gəncə hadisələrinin kadrlarını istifadə edərək etməsidir. Bu yolla onlar özləri öz iyrənc təbliğatlarını ört-basdır etdilər. Daha da acınacaqlısı belə qeyri – peşəkar diplomatı prezidentliyə namizəd kimi göstərirlər”.
Müsahibənin davamında cənab Teys Ramosvaminin Azərbaycanı tənqid etmək yerinə öz siyasi reputasiyasına diqqət yetirməsini söyləyib:
“Vivek Ramosvami özünün saxta və təxribat dolu məlumatları ilə Azərbaycan hökümətini tənqid etməkdənsə öz siyasi reputasiyasına diqqət yetirsə, daha yaxşı olar. ABŞ cəmiyyəti hazırda onu yetərincə sorğulayır. Bu qədər pul ona hardan gəlib, o siyasi təcrübəsini necə qazanıb deyə müəyyən fikirlər səsləndirilir. Ona görə də mənim prezident namizədinə məsləhətim odur ki, öz reputasiyasını ləkələməkdənsə, özü ilə bağlı cəmiyyətə yetərincə məlumat versin”.
Əkbər Novruz