Paşinyan Paris sülh forumunda çıxışı zamanı Azərbaycanla sülh üçün məlum 3 prinsipi – ərazi bütövlüyü, sərhədin Almatı bəyannaməsinə uyğun delimitasiyası və kommunikasiyanın yurisdikasiya çərçivəsində açılmasını (bununla dəhliz məntiqini arxa plana keçirir) – yenidən təkrarlayıb. O, əlavə edib ki, indi ən vacib nüans Bakının Brüsseldə artıq razılaşdırılmış və Mişelin bəyanatlarında yer alan məsələləri bir daha təsdiq edib-etməyəcəyidir.
Bu barədə Ednews-a politoloq Asif Nərimanlı bildirdi ki, Nikol bununla yenidən planlaşdırılan Brüssel görüşündən öncə Bakını dilemma qarşısında qoymağa çalışır:
“Azərbaycan görüşə getməsə, “sülh sazişində maraqlı olmayan tərəf” kimi təqdim ediləcək; görüşdə iştirak etsə, İrəvanın dediyi üç prinsipi yenidən təsdiq etməlidir. Hərçənd, rəsmi Bakı üçün Brüssel formatı müharibədən sonra Qərb cəbhəsində Minsk Qrupunun “dirildilməsinə” qarşı alternativ xarakteri daşıyırdı və xüsusilə Qarabağa (ermənilərin yaşadığı ərazilər) görə lazım idi".
Politoloq qeyd etdi ki, Qarabağ məsələsi tamamilə həll edildikdən sonra sərhədin necə delimitasiyası edilməsi və kommunikasiyanın hansı prinsiplə açılması məsələsində Qərb masası maraqlarımıza tam cavab vermir:
"Bundan sonra məsələlərin regional müstəvidə həlli prinsipi ön plandadır”.
Oğuz