Rusiya Müdafiə Nazirliyi 248 rusiyalı hərbçini Ukrayna əsirliyindən geri qaytarıb.
Ednews Rusiya mətbuatına istinadən xəbər verir ki, bu barədə yerli Müdafiə Nazirliyindən bildirilib. Məlumata görə bundan əvvəl mürəkkəb danışıqlar prosesi olub.
“Rusiya hərbçilərinin əsirlikdən qayıtması Birləşmiş Ərəb Əmirliklərinin humanitar vasitəçiliyi sayəsində mümkün olub”, - nazirliyin bəyanatında deyilir.
Sərbəst buraxılan bütün Rusiya hərbi qulluqçularına tibbi və psixoloji yardım göstərilir, onlar Rusiya Müdafiə Nazirliyinin tibb müəssisələrində müalicə və reabilitasiya üçün hərbi nəqliyyat təyyarələri ilə daşınacaqlar.
Dekabrın 22-də Rusiyadakı İnsan Hüquqları üzrə Müvəkkili Tatyana Moskalkova bildirib ki, ilk dəfə olaraq Rusiya hərbi əsirləri və ukraynalı hərbçilər üçün ikitərəfli köçürmələr və qohumların məktubları mübadiləsi aparılıb.