“Azərbaycana qarşı olan bu münasibətin davam etməsi fonunda ölkəmiz də müxtəlif reveranslar edir, xarici siyasət dinamikalarını ölçür və buna uyğun uzunmüddətli, siyasi viziyonunu formalaşdırır”.
Bu sözləri Ednews-a politoloq İlyas Hüseynov Avropa Birliyinin xarici siyasət xidmətinin rəhbəri Cozep Borrellin son zamanlarda Azərbaycana qarşı fəaliyyətini şərh edərkən deyib.
“Avropa İttifaqı ilə Azərbaycan arasında enerji sahəsində strateji əməkdaşlıq münasibətləri mövcuddur. Rusiya-Ukrayna müharibəsi fonunda enerji daşıyıcılarına ehtiyac getdikcə artmaqdadır. Azərbaycan Cənub Qaz dəhlizini istifadəyə verdikdən sonra Avropa Komissiyasının rəhbəri Ursula Fon der Lyayen Bakıya gəldikdə Azərbaycanla Aİ arasında enerji nəqlinin həcmini 2 dəfəyə qədər artırılması sazişinin imzalandığını gördük. Digər tərəfdən Avropa İttifaqı Şurasının prezidenti Şarl Mişel Azərbaycan və Ermənistan arasında münasibətlərin nizamlanması yönündə təşəbbüslər irəli sürür. Lakin Avropa İttifaqının Xarici Siyasət və təhlükəsizlik məsələləri üzrə Ali komissarı Cozep Borel qərəzli mövqeyindən əl çəkmir. Hətta bir çox hallarda bu mövqe Ermənistanın normativləri ilə üst-üstə düşür. Həqiqətlərin təhrif olunması, regionda yeni yaranan geosiyasi reallıqların nəzərə alınmaması hiddət doğrur və qəbul olunmazdır. Məhz bu baxımdan Aİ Cənubi Qafqazda əsas geopolitik akt kimi Azərbaycanı itirə bilər. Bütün bu qeyd olunan məsələləri və çağırışları Borell özü üçün yəqin etməlidir. Buna uyğun sonrakı davranışlarını ortaya qoymalıdır”.
Oğuz
