Fevralın 17-də Münxendə Prezident İlham Əliyev ilə Paşinyanin ikitərəfli görüşü olub. Görüşdə iki ölkə arasında sülh müqaviləsi üzrə danışıqlar, münasibətlərin normallaşdırılması, sərhədlərin delimitasiyası məsələləri müzakirə olunub. Bu görüşdə artıq yekun sülh müqaviləsi razılaşdırılıb?
Mövzu ilə bağlı Ednews-a açıqlamasında siyasi şərhçi Tofiq Abbasov bildirdi ki, görüşün və onun gündəliyinin ümidverici məqamları var, çoxdur. Ancaq Ermənistan tərəfinin həmişə ikibaşlı danışıqlar aparmağını, ikibaşlı oyun qurmağının cəhdlərini görürük.
“Bu dəfə də Münxendə Şoltsa bağlı Nikol Paşinyan ciddi şəkildə giley-güzarı başlayıb və deyib ki, Azərbaycan tərəfi sərhəd bölgəsində hərbçilərə atəş açıb, onları məhv edib. Mən bununla bağlı sizinlə danışmaq istəyirəm, deyə qeyd edib. Bu addımın özü və erməni mətbuatının bu məqama çox böyük önəm verməsi ondan xəbər verir ki, Ermənistan qabaqdan gəlmişkil edir, baxmayaraq ki, o insidentin səbəbkarı erməni qüvvələri özüdür. Onlar azərbaycanlı hərbçini snayperlə yaralayıblar, ona atəş açıblar. Digər tərəfdən “Yerkrapa” terror təşkilatı ora yerləşdirilib. Bunlar hamısı birmənalı şəkildə bir vəziyyətə işarə edir ki, Ermənistan sülhə hazır deyil və heç hazırlaşmaq istəmir”.
Politoloq qeyd etdi ki, xarici auditoriyanın qarşısında çıxış etdikdə, belə görüşlərdə iştirak etdikdə o daim son dərəcə nikbin tonda sülhdən danışır, razılaşmaların perespektivinə münasibət bildirir və deyir ki, guya sülhə aparan yol açıqdır və.s:
“Biz görürük ki, əməldə bu tərs mütanasib işlərə qol qoyur. Deməzdim ki, Münxen Təhlükəsizlik konfransında Ermənistan nümayəndə heyətinin, xüsusilə Paşinyanın yeni açıqlamaları özünü əks etdirdi. Ermənistanın narazı mövqeyi yenə də özünü biruzə verdi. Ermənistan tərəfi öz etdikləri qanun pozunutuları ilə, insitedentlərlə bağlı çalışır özünü ağa çıxartsın. Guya bütün bu proseslərin günahkarı, səbəbi Azərbaycandır. Mən bir daha görürəm ki, Ermənistan siyasətinin, diplomatiyasının əsas silahı abstruksiyadır. Ona görə də Münxen prosesi ilə bağlı heç bir nikbinliyim yoxdur”.
Oğuz