“Azərbaycan yenidən dünyanın diqqət mərkəzindədir”

Ednews xəbər verir ki, bu sözləri ABŞ – ın Azərbaycandakı keçmiş səfiri və Ceymstaun Fondunun idarə heyətinin üzvü Metyu Brayza, ADA Universitetində İnkişaf və Diplomatiya İnstitutu (IDD) birgə təşəbbüsü ilə keçirilən tədbirdə söyləyib.

“Azərbaycan üçün Sülhün Nailiyyətləri: Böyük Qayıdış, Ağıllı və Yaşıl Texnologiyalar” adlı tədbirə rəhbərlik edən cənab Brayza, Azərbaycan ərazilərinin işğaldan azad edilməsindən sonra mövcud şəraitdə, İrəvan və Bakı arasında sülh perspektivlərinə dair fikirlərini bölüşərək başlayıb.

Daha sonra o, Bakıda keçiriləcək “COP29” iqlim konfransının əhəmiyyətini vurğulayaraq, onu ən mühüm ekoloji toplantılarından biri kimi qiymətləndirərək, bu konfrans ilə birlikdə Azərbaycanın dünya ölkələrinin diqqət mərkəzinə çevrildiyi vurğulayıb.

Çıxışının sonunda keçmiş səfir Qarabağ regionunun urbanizasiya potensialını və COP29 ilə birlikdə Böyük Qayıdış Proqramının regionun ümumi inkişafına necə təsir göstərə biləcəyini müzakirə edib.

Tədbir hökumət, beynəlxalq təşkilatların rəsmilər və tələbələrin suallarını səsləndirdiyi interaktiv sessiya ilə başa çatıb.

Əkbər Novruz