Paşinyan iddia edir ki, sülh prosesinin gedişinə uyğun olaraq, Azərbaycan və Ermənistan qarşılıqlı şəkildə beynəlxalq məhkəmələrdə bir-birinə qarşı şikayətlərini geri çəkə bilərlər. Belə bir gəlişmə nə qədər mümkündür?
Məsələ ilə bağlı Ednews-a açıqlamasında politoloq Oqtay Qasımov bildirdi ki, Paşinyanın açıqlaması maraqlıdır. Doğurdanda əgər Ermənistan Azərbaycana qarşı hansısa revanşist duyğularla yaşamayacaqsa və sülh müqaviləsini təklif olunan şərtlərlə imzalayacaqsa o zaman xoş məram nümayiş etdirmək mümükündür:
“Bunun bir nümunəsi də biz görmüşük. 7 dekabrda məhz belə bir xoş məram nümayiş etdirilərək əsirlər dəyişdirildi və geri qaytarıldı. Bundan başqa COP29-la bağlı Ermənistanın mövqeyini gördük. Eyni şəkildə Azərbaycanın Ermənistana diplomatik sahədə müəyyən dəstəyini müşahidə etdik. Ermənistan müstəqil qərar verə bilsə və digər mərkəzlərdən gələn təlimatlardan kənara çıxaraq səmimi şəkildə sülh prosesində iştirak etsə təbii ki, bu mümkündür. Amma hal-hazırda səslənən fikirlər sadəcə bəyanatdır”.
Oğuz