Avropa İttifaqı (Aİ) Şurasının Siyasi və Təhlükəsizlik Komitəsinin üzvləri Ermənistana səfər edəcək. Bildirilib ki, səfərin məqsədi regionda baş verən proseslər və Ermənistan-Azərbaycan sülh prosesi haqqında təsəvvür əldə etməkdir. Səfərin sülh müqaviləsinə ciddi təsiri olacaq? Ümumiyyətlə, Aİ-nin Cənubi Qafqazda nə kimi missiyası ola bilər?

Səfərlə bağlı Ednews-a danışan politoloq Fikrət Sadıqov bildirdi ki, Avropa İttifaqının rəsmiləri vəziyyətin nə yerdə olduğunu yaxşı bilirlər. Regionda baş verən proseslərlə bağlı hadisələr onlar üçün yeni bir şey deyil. Onların bura gəlməyi, proseslərə müdaxilə etməsi bir neçə məqsəd daşıyır: 

“Birincisi regionda mövqelərini möhkəmlətmək, ikincisi Rusiyanın neytrallaşdırılması və Rusiyanı burdan kənarlaşdırılması. Çox mürəkkəb bir probemdir. Düşünmürəm ki, bu məqsədi asanlıqla reallaşdırsınlar. Amma müəyyən planların yerinə yetirilməsinə nail ola bilərlər. O prizmadan ki, Ermənistanla münasibətləri daha da yaxınlaşdıracaqlar. Müxtəlif istiqamətlərdə münasibətlər inkişaf edəcək. Lakin yaddan çıxarırlar ki, daha doğrusu yaddan çıxarmırlar ki, əsas məsələ Azərbaycanla Ermənistan arasında sülh müqaviləsinin bağlanmasıdır. Və onlar onu da yaxşı dərk edirlər ki, sülh sazişi stabilliyə və təhlükəsizliyə gətirib çıxaran sənəd olacaq. Görünür onların maraqlarına cavab verməyən amildir. Əgər stabillik yaransa onların regionda fəaliyyəti nədən ibarət olacaq? Aİ nəzarəti itirəcək. Biz onların nəzarət cəhdlərini rədd etmişik. Azərbaycanda müşahidəçilər, öz mövqelərini möhkəmlədirmək məqsədilə nümayəndə heyəti yoxdur. Onlar görünür Ermənistanı zəyif oyunçu kimi istifadə edərək burada belə bir fəaliyyət göstərmək istəyirlər. Əslində müqavilənin bağlanmaması onlara bu nəzarəti gücləndirməyə əsas verir və imkanlar yaradır”. 

Oğuz