“İsrail Hərbi Hava Qüvvələrinin İranın Dəməşqdəki konsulluğuna endirdiyi zərbə cavabsız qalmayacaq”.
Ednews xəbər verir ki, bu sözləri İran Prezidenti İbrahim Rəisi deyib.
"Sionist rejim (İsrail) dəfələrlə uğursuzluqları və məğlubiyyətlərinə görə kor-koranə terrordan istifadə edir, lakin bilməlidir ki, bu cür qeyri-insani hərəkətləri ilə heç vaxt öz bədbəxt məqsədlərinə nail olmayacaq və bu qorxaq cinayət cavabsız qalmayacaq”, - deyə İran lideri qeyd edib.
Qeyd edək ki, ötən gün İsrailin İranın Dəməşqdəki konsulluğuna zərbəsi nəticəsində SEPAH-ın iki generalı və 5 zabiti ölüb.