İran ordusunun yük təyyarələrinin Tehranla İrəvan arasında uçuşlar həyata keçirdiyi bildirilir. Məlumata görə, İranın paytaxtından Ermənistana silah daşınır. Fəallığını artıran İranın məqsədi nədir, nəyə nail olmaq istəyir?

Mövzu ilə bağlı Ednews-a açıqlamasında siyasi şərhçi Natiq Miri bildirdi ki, İrandan Ermənistana silah daşınması situativ hadisə deyil. Bunun bu cür təqdim olunması doğru deyil:

“Hər kəs anlamalıdır ki, İran anti-Azərbaycan prosesinin tərkib hissəsi olaraq mövcuddur. Ona görə də öz üzərinə götürdüyü funksiyanı davamlı yerinə yetirməkdədir. İran bunu həm Hindistan üzərindən gələn silahları Ermənistana daşımaqla edir. Paralel olaraq Avropa Sülh Fondu vasitəsilə İran üzərindən gələn silahların daşınma prosesini həyata keçirir. Yaxud da İran özü bu gün pilotsuz təyyarələr və digər silahlarla Ermənistanı təmin edir. Səhnənin arxasında Fransa və İran sövdələşməsinin təzahürüdür ki, ortaya çıxır. Sepahın teleqram kanallarında Azərbaycana təzyiq xarakterli yazılar dərc edilir. Ölkəmizə müəyyən mesajlar da verilir ki, bu gün İsrailin diplomotik korpusları heç də təhlükəsiz deyil. Yəni, buna bir hazırlığın getidiyi işarəsi verilir. Bunlardan biri də məhz Azərbaycanda mövcud fəaliyyət göstərən İsrailin diplomotik korpusu göstərilir. Mənə elə gəlir ki, bunların hamısı düşünülmüş və böyük bir prosesin tərkib hissəsidir. Görünən odur ki, davamlı olacaq. İran düşmənçilik siyasətini Azərbaycana qarşı həyata keçirib və proses dayanmadan davam edir”.

Oğuz