Xəbər verdiyimiz kimi, Beynəlxalq Ədalət Məhkəməsi Haaqada Azərbaycanın Ermənistana qarşı iddiası üzrə dinləmələr keçirilir. İrqi Ayrı-seçkiliyin Aradan Qaldırılması üzrə Komitənin (CERD) (Ermənistan Azərbaycana qarşı) müraciəti ilə bağlı iş üzrə Azərbaycan tərəfindən qaldırılan ilkin etirazlar üzrə ictimai dinləmələr dünən baş tutub. Bu gün isə Ermənistan Azərbaycanın iddialarına qarşı məhkəmədə cavab verməli olub. Baş tutan dinləmələrdə Ermənistan tərəfi Azərbaycana qarşı növbəti dəfə böhtan xarakterli əsassız iddialar səsləndirib.
Gündəm mövzusu ilə bağlı Ednews-a Beynəlxalq Avrasiya Mətbuat Fondunun prezidenti Umud Mirzəyev bildirdi ki, Ermənistan tərəfinin iddiaları tamamilə absurddur.
“Ermənistanın beynəlxalq hüquqi məsələlər üzrə nümayəndəsi Yeqişe Kirakosyan Beynəlxalq Ədalət Məhkəməsində iddia qaldırıb deyir ki, 2020-ci ildə Azərbaycan Ermənistana hərbi təcüvüz edib, məqsəd etnik erməniləri öz doğma yurdlarından silmək və qovmaq idi. Halbuki öz torpaqlarımızı geri qaytarmışıq. Haqq savaşımızdan üzü ağ çıxmışıq. Elə bu günlərdə Ermənistan hərbçiləri tez-tez Naxçıvan və Zəngəzur istiqamətində atəşkəsi pozublar. Yeddi aylıq sakitlikdən sonra ilk dəfədir ki, belə təxribatlar silsilə xarakter almağa başlayıb. Niyə bunun üçün Naxçıvan və Zəngəzur istiqamətləri seçilib? Ona görə ki, separatçı qüvvələr Azərbaycanla konfilikti, gərginliyi davam etdirib sülhdən yayınmaq məqsədi güdürlər. Beynəlxalq Ədalət Məhkəməsinin Haaqada keçirilən dinləmələrində Ermənistan tərəfinin böhtan xarakterli əssasız iddiaları beynəlxalq camiəni çaşdırmaq cəhdləridir. Beynəlxalq hüququn norma və prinsiplərinə məhəl qoymayan və bu barədə düşünməyən işğalçı Ermənistan davamlı təxribatları ilə regionda “gündəm” yaratmağa davam edir. Son zamanlar törədilən əməllər isə bunu bir daha sübut edir”.
U.Mirzəyev qeyd etdi ki, Ermənistan və onun havadarları Azərbaycana qarşı tarix boyu nifrət bəsləyib:
“İnsanımızı əsir götürüb, işgəncə verib, soyqırım törədiblər. Bu faktlar Ermənistanın azərbaycanlılara qarşı aqressiya siyasətinin, amansız rəftarının bir daha təzahür edilmiş formasıdır. Ermənistana beynəlxalq təzyiq göstərilərsə tezliklə dünya onların iç üzünü görmüş olar. Törətdikləri vəhişiklər cəzasız qalmaqda davam edir və cəzasızlıq mühiti nəticəsində düşmən qanunsuz əməllərini rahatlıqla davam etdirir. Onlar bu gün də təxribatlarında əl çəkmirlər. Ermənilərin azərbaycanlılara qarşı illərdir törətdiyi bu vəhşilikləri yalançı lobilərində erməni soyqrımı vasitəsi ilə kölgələyirlər. Quba kütləvi məzarlığı, Xocalı soyqrımı kimi faciələr ermənilərin azərbaycanlılara qarşı yürütdüyü siyasətin bariz nümunəsidir”.
Oğuz
