Qərb Ukraynaya xəbərdarlıq edib ki, Zaporojya atom elektrik stansiyaları yaxın ərazilərdə hərbi əməliyyatlar keçirməsin. Rusiya ordusu Zaporojya AES-ni ələ keçirdiyinə görə, Ukraynanın şəhər yaxınlığında hərbi əməliyyatlar keçirməsi nə dərəcədə təhlükəlidir?
“Qərb ölkələrinin rəhbərliyi həqiqətən də Zaporojya atom elektrik stansiyasına hücumun qarşısını almaq xahişi ilə Ukrayna hakimiyyətinə müraciət edib. Çünki, nüvə sənaye mərkəzi ciddi zədələnsə və nüvə hissəcikləri sızmağa başlasa, geniş ərazilər çirklənəcək. Ukrayna, həm də Rusiya Federasiyasının bir hissəsi, eləcə də Ukraynaya bitişik bir sıra Çexiya, Macarıstan, Slovakiya, Moldova, Rumıniya kimi dövlətlər də ziyan görəcək”.
Bu fikirləri Ednews-a açıqlamasında Moldovanın tarix elmləri doktoru, siyasi analitik Ruslan Şevçenko deyib. Ruslan Şevçenko bildirib. Ekspertin sözlərinə görə, Qərbin əsas prioriteti bundan sonra Rusiyanın cəhbədə daha da irəliləməsinin qarşısını almaqdır:
“Amma, Ukraynanın siyasi rəhbərliyi bu məsələdə Qərbə güzəştə getmir və Zaporojya atom elektrik stansiyasını atəşə tutmaqda davam edir. Təbii ki, ona görə yox ki, Ukrayna höküməti kənardan gələn xəbərdarlıqlara cavab verməyən çılğın siyasi ekstremistlərdən ibarətdir. Əksinə, Zelenski və onun əməkdaşları nəyi riskə atdıqlarını və nəsə baş verərsə, itkilərin miqyasının necə olacağını çox yaxşı başa düşürlər. Ancaq digər bir tərəfdən, onların çox seçimi yoxdur.
Qərb açıq şəkildə, Üçüncü Dünya müharibəsi başlamasın deyə Ukrayna tərəfindən müharibəyə qoşulmur. Qərb Kiyevə dəstəyinin kəskin azaldıb. Bu vəziyyət Rusiyanın ən böyük üstünlüyünə çevrilib. Hazırda Qərbin Ukrayna üçün ata biləcəyi yeganə addım, Moskvanın Nikolayevi və xüsusən də Odessanı tutaraq Dunaya çatmasına imkan verməməkdir. Bu, nəinki Ukraynanın dəniz ilə əlaqəsini tamamilə kəsəcək, həm də ölkənin Qərb üçün ticari baxımdan əhəmiyyətinin kəskin şəkildə azalmasına gətirib çıxaracaq. Bu baş versə, Rusiya Federasiyasının Avropada və dünyada siyasi-hərbi təsirində kəskin sıçrayış olacaq”.
Ukrayna neft sənaye zavodlarına hücum edərək Rusiyanın neftinin dəyər qazanmasına səbəb olur. Beləcə, Kiyev Qərbi yeni dəstək kompaniyaları üçün razı salmağa çalışır:
“Qərb tərəfindən taleyin mərhəmətinə buraxıldığını anlayan Ukrayna, NATO ölkələrinin və ABŞ-ın açıq şantaj praktikasına keçməyə məcbur olur. Birincisi, ABŞ-ın tələblərinə baxmayaraq, Ukrayna Rusiyanın neft emalı zavodlarına hava zərbələri endirir. Bu, nəinki Rusiya Federasiyasında neftin qiymətinin qalxmasına gətirib çıxarır, həm də qlobal səviyyədə Rusiya Federasiyasının neft nəhəngliyi rolunu qoruyur.
Bundan əlavə, Ukrayna bu yolla Bayden və ABŞ Demokratik Partiyasının mövqelərini sarsıdır. İkincisi, Ukrayna müharibənin ilk aylarından Zaporojyo atom elektrik stansiyasını atəşə tutmağı davam edir. Kiyev ümid edir ki, bununla Rusiya Federasiyasını cəzalandırır”.
Qərbin Zelenskini rejimini dəyişmək istəmədiyini bildirən siyasi ekspert, Ukraynanın AES missiyasının uğurlu olacağnı düşündüyünü bildirib:
“Ukraynanın artıq Qərbi razı salmaq üçün başqa yolları olmadığına görə, AES-ləri hədəf seçir. Bu strategiyanın əslində uğur şansı var. Çünki regionda nüvə fəlakəti NATO ölkələrinin iqtisadiyyatına ciddi təsir göstərə bilər. Zelenskinin prezident kimi səlahiyyəti 2024-cü il may atının 20-də bitir. Lakin, Qərb üçün Kiyevdə lider dəyişikliyi etmək mənasızdır. Onsuz da xaos içərisində olan Ukraynada hakimiyyət dəyişikliyi daha fəlakətli nəticələr verə bilər”.
Fərid Axund