Beynəlxalq Ədalət Məhkəməsində beynəlxalq hüquq professoru Pyer D'arjan dinləmələrin son günündə də Ermənistan tərəfindən əsassız iddialarla çıxış edib.
Ednews xəbər verir ki, P.D'arjan bu gün Haaqada keçirilən dinləmələrdə müharibə əsirləri kontekstində bildirir:
"Ermənistanın şikayəti ondan ibarətdir ki, Azərbaycan əsirləri lazimi vaxtda götürməyib, əksinə, onun silahlı qüvvələri yoxsul etnik erməni döyüşçülərini döyüşdən kənarda gülləbarana tutub. Azərbaycan onları əsir götürdükdən sonra saxlanma zamanı pis rəftar etdi ya da hərbi əməliyyatların aktiv fazasından xeyli sonra onları yenidən yoxa çıxardı. Ermənistan iddia edir ki, prosesin hazırkı mərhələsində bu acı etnik münaqişənin spesifik xarakterini nəzərə alaraq, Azərbaycan cəmiyyətinin bütün səviyyələrində və yayılmış nifrət nitqini nəzərə alaraq, onun "Hərbi Qənimətlər Parkı"da təqdim olunan bütün konkret sübutları nəzərə alaraq, bu Ermənistanın iddia etdiyi kimi, həqiqətən də konvensiyanın pozuntusunu təşkil edə bilər".
Əsassız iddialarla çıxış etməsi azıymış kimi, Beynəlxalq Ədalət Məhkəməsinin konvensiyasına istinad edən, hüquqşünas bariz sübutları tam görməzdən də gəlir. Dövlət Təhlükəsizliyi Xidməti tərəfindən saxlanılan bütün bu şəxslər, qurumun məlumatında bildirildiyi kimi, Qarabağ ərazisində qanunsuz silahlı birləşmələr yaradaraq, onların fəaliyyətini təşkil etmək, Azərbaycan Respublikasının dövlət sərhədini qanunsuz olaraq keçmə kimi maddələrlə ittiham olunublar. "Müharibədən kənarda" tutulma hadisəsinin qeydə alınmasını söyləyən vəkil, 44 günlük müharibədən sonra qondarma rejimin anti-terror tədbirlərinə kimi fəaliyyətini davam etdirdiyini unudub. Hansı ki, həmin tədbirlər Azərbaycan beynəlxalq hüquq və həmçinin Ermənistan Respublikası tərəfindən tanınan ərazisində keçirilib. Bu da o, deməkdir ki, Azərbaycan sərhədlərində qeydə alınan hər bir qanunsuzluq aidiyyatı qurum tərəfindən əla alınır. Əlavə olaraq bir məqamı da qeyd etmək yerinə düşər ki, təcridxanada saxlanılan - Arayik Arutyunyan, Ruben Vardanyan kimi cinayətkarlara saxlanıldıqları yerlərdə bütün imkanlar yaradılıb.
Əkbər
